«Puʼuna eemüin faraón»

NNOJOLUITPA yaletüin naaʼin Moisés. Kakaliaichi ojuʼitüin Egiptojee. Eesüjaʼa jülüjale naaʼin nnojolinjachin niain ayuʼluin na israelitakana Egiptojee. Laülaaichi Moisés, 80 nuuyase, kaʼwayuuseshi jee piamasü nüchonnii. 40 juya nia sünain arüleejaa nümüʼlüin chi nüshimiakai suluʼu tü mmakat Madián, jososhiisü tia mmakat sümaa jaʼin maʼin kaʼi chayaa. Nnojoluitpa yaletüin naaʼin Moisés sünainjee tü kasa alatakat nümüin.

Niʼrüin Jehová shiiʼiratüitpain nukuwaʼipa Moisés. Wanaa sümaa chajachin nia sümülatuʼu tü uuchikat Horeb (Sinaí), niʼrüin chuwatüin suuʼulia wanee wunuʼu keipüsesü sümaa nnojoluin jotuin shia. Nürütkaaka Moisés sünainmüin tia wunuʼukat, nusoutaka Jehová nümüin. Nüküjaka nümüin Moisés nükajee wanee aapiee nüleʼejüinjachin nüchikuaʼa Egiptomüin süpüla niyuʼluin na israelitakana. Anuu nünüiki nümüin süpüla yalayalain naaʼin: «Taaʼinreerü tü Anakat Saaʼin Tamüin süpüla Taaʼinrüin». Tü nüküjeekalü achiki Jehová shia nuʼtteʼerüinjanain na israelitakana. Müliashii maʼin naya chayaa Egipto. Naaʼinrüinjatü Jehová tü anakat saaʼin nümüin süpüla niyuʼluin naya, süpüla wainmain naya jee kojutuin naya atumawaa.

Wainmajüsü naaʼin Moisés sünain oʼunaa eemüin faraón. Nüküjaka nnojolin yapain nia otta kajain nünüiki. Nüchiaanaka nutuma Jehová jee nükatchinraka nunoula. Aainjashi kasa pülasü nutuma. Tia shia tü palajatkat kasa pülasü naainjaka wanee wayuu nutuma Jehová aküjünaka suluʼu tü Bibliakat. Aluwataanüshi Aarón nutuma Jehová süpüla nükaalinjain Moisés jee süpüla nünüikeʼejachin nia. Nücheka achikit tia Moisés mayaainjeʼe ayatüin wainmajüin naaʼin. Aneekünüichipa nia nutuma Maleiwa süpüla nuʼtteʼerüin na israelitakana (Heb. 11:26).

Eitaashi nüchikuaʼa Moisés nümaa Aarón Egiptomüin. Antüshii naya nümaʼanamüin faraón. Nnojoipejeʼe jaa müin faraón, aashichijaashi nia. Nnojoishii nüjüteein na israelitakana, niʼyateʼerüin neʼe naya. Nuluwataanakalaka Moisés nüchikuaʼa nutuma Jehová nümaa Aarón süpüla naküjain süchiki tü kasa mojusü alatajatkat Egipto. Alatüsia tia kasa mojusükat, ishajaʼalaa sümaka tü süchikat Nilo. Süka ayatüin macheʼein faraón, ayatüshia nüjütüin Jehová Moisés nümaʼanamüin faraón. Nuʼunawaipa Moisés nümaʼanamüin faraón nüküjain nümüin süchiki tü kasa mojusü alatajatkat Egipto. Nnojoipejeʼe jaa müin faraón. Wanaa sümaa sülatüin tü pienchikat kasa mojusü nnojotsü alatüin tia namüin na israelitakana, naya neʼe alataka amüin na egipciokana.

Isasü nachiki namaleiwase na egipciokana nataʼülüin sukuwaʼipa tü kasa mojusü alatakat Egipto, isasia nüchiki faraón otta nachiki na sacerdotekana. Ayatüshia faraón macheʼein, nnojoishii nüjütüin na israelitakana. Soʼunnaa tü mekietsatkat kasa mojusü, epiʼyuushijaasü saaʼu Egipto. Warattuuipejeʼe eejanale kepiain na israelitakana. Nüküjaka faraón nüjütajanain na israelitakana. Naʼalijiraka naya, nümaka nümüin Moisés nnojolinjachin nüleʼejüin nüchikuaʼa. Müleka nüleʼejüle nuʼutajachi aaʼin nia.

Sülataka chayaa Egipto tü poloosükat kasa mojusü. Ouwoutshii neʼiruma na egipciokana otta shiʼiruma mürüt, outushia niʼiruma faraón. Süchikijee yaletapuʼuin maʼin naaʼin faraón nuunejitkalaka Moisés. Nüküjain Jehová nümüin Moisés nuʼunajachin eemüin faraón. Nüjütaka faraón na israelitakana. «Juchuntaleʼeya anaa tapüleerua», nümaka nümüin Moisés. Ojuʼitüshii na israelitakana Egiptojee 430 juya süchikijee nüntüin Abrahán suluʼu tü Mma Aapünajatkat namüin na israelitakana. Nnojoliinnapa na israelitakana achepchieein. Oʼunushii naya Egiptojee sümaa wainma wayuu otta eeshiʼiya oʼunuin namaa waneinnua egipcio. Isaka naaʼin faraón nachiirua na israelitakana. Nükotchojeʼeraka nusurulaatse süpüla noushikajaain nachiirua.

Nüntapa Moisés namaa na israelitakana sotpaʼamüin tü palaa kanüliakat Ishosü, nnojoishii jalapünaainjanain alatüin naya jee mmotshii maʼin naya. Nuchuntaka Moisés kaalinwaa nümüin Jehová. ¿Asoutushiche Jehová nümüin Moisés? Aa, aainjashi kasa pülasü napüleerua na israelitakana. Nujutaleʼerüin tü palaa Ishosükat süpüla nalatüin na israelitakana pasanainpünaa sünain. Niʼrapa faraón nalatüin na israelitakana, nümaka namüin na nusurulaatsekana neipiijüinjanain naya. Alatüshii na israelitakana waneemüin saʼata tü palaakat sümaa nnojoluin jamajüin naya. Süsülüjaʼalaa sümaka tü palaakat süchikuaʼa nutuma Jehová, ouwoutshii napüshuaʼa na nusurulaatsekana faraón.

Nnojotsü motuin naaʼin Moisés tü kasa pülasü niʼrakat, akatchinraasü maʼin nunoula. Nuʼunirüin Moisés nakuwaʼipa na israelitakana otta naaʼinmajüin naya soʼunnaa 40 juya, waneʼereeya outaleepa nia soʼu 120 nuuyase. Kanoulashi maʼin Moisés, aishii maʼin na israelitakana nüpüla otta yalayala aaʼinchi nia. Anasü maʼin süpüla washatüin nukuwaʼipa.

Paashajeʼera pütchikat suluʼujee tü Bibliakat

• Éxodo 2:15–5:23; 7:1–11:10; 12:29-41; 13:17–14:31

• Deuteronomio 29:2, 3; 34:5-7

Yooto waya süchiki tüü:

¿Kasa naaʼinraka Moisés sutuma yalayalain naaʼin?

Pikirajaa sooʼomüin

1. 1. Mayaainjeʼe nnojoluin sütüjaanüin aaʼu kasaichin nünülia chi faraón aluwataakai wanaa sümaa nojuʼitüin na israelitakana Egiptojee jee nnojoluin suusütünüin anain nashajala na egipciokana süchiki tia, ¿kasa wanoujaka anainjee shiimain tü sümakat tü Bibliakat? (g04 4/8 7-9).

   Püshaja susoutia

2. 2. ¿Jamüsü mmotkaʼa wayuu neema faraón? (w14 4/1 12 püt. 1). 1

   Püshaja susoutia

   

   PRISMA ARCHIVO/Alamy Stock Photo

3. 3. ¿Jamüsü isakaʼa nachiki namaleiwase na egipciokana nataʼülüin sukuwaʼipa tü poloosükat kasa mojusü? (it «Maleiwayaashii» püt. 24-26).

   Püshaja susoutia

4. 4. ¿Jamüsü watüjaakaʼa saaʼu jeruluin maʼin tü wopu nujutalakat Jehová napüleerua na israelitakana? ¿Jeʼrashii na israelita alatakana suluʼupünaa tia wopukot? (it «Éxodo»). 2

   Püshaja susoutia

   

Paaʼinrajatka süpüla yalayalain paaʼin

• ¿Kasa watüjaka sünainjee nukuwaʼipa Moisés iseere wachiki saaʼin wamüin tü aʼyatawaa naapakat Jehová wamüin? (Éx. 4:10; 7:6, 7).

  Püshaja susoutia

• Akaalinjünüshi Moisés nutuma Aarón süpüla yalayalain naaʼin sünain aʼyatawaa nümüin Jehová. ¿Kasa waaʼinrajatka süpüla wakaalinjain na wawalayuukana? (Éx. 4:14-16). 3

  Püshaja susoutia

  

• ¿Kasa paaʼinrajatka süpüla yalayalain paaʼin maʼaka yalayalain naaʼin Moisés?

  Püshaja susoutia

Pütüjaka nüchiki Jehová

• ¿Kasa tatüjaka nüchiki Jehová sünainjee pütchikat tüü?

  Püshaja susoutia

• ¿Kasapülajatche nüshajiraka Jehová suluʼu tü Bibliakat tü tekirajaaitpakalü anain?

  Püshaja susoutia

• ¿Kasa tasakireechika anain Moisés nüsoʼiraapa aaʼin nutuma Jehová?

  Püshaja susoutia

Sooʼomüin tü pütüjaainjatkalü aaʼu

Anuu wanee video aashajaaka süchiki yalayaleerüin naaʼin na tepichikana natüjaale saaʼu jamaluʼuluin nünülia Jehová.

Nünülia Jehová (1:54)

Sünainjee tü alatakat nümüin Moisés, ¿kasa nütüjaka süchiki nukuwaʼipa Jehová?

«Pikiraja taya sünain tü puluwataakalü anain» (w05 5/15 20-25)