Wekirajaainjatka anain sünain tü outkajawaakat Wakuwaʼipa otta Waʼyataain nümüin Maleiwa — PÜTCHIPÜLEE SULU'UKA INTERNET sutuma Watchtower

Wekirajaainjatka anain sünain tü outkajawaakat Wakuwaʼipa otta Waʼyataain nümüin Maleiwa

MAATSOʼU 2-8

KOROLO KOJUTUSÜ SULUʼUKA TÜ BIBLIAKAT ISAÍAS 41, 42

«Nnojo mmoluin pia»

w25.05 12 püt. 13

Paaʼinrajatka süpüla nümülialüin paaʼin Jehová

¹³ Nümülialüin naaʼin Jehová na judío amaanakana Babiloniamüin. Nütüjaapejeʼe saaʼu neʼreenain namüliala sülüʼülapa sükalia süpüla najütünüin achiki. Nüküjatüjülia achiki Jehová eejeechin wanee aluwataai ashuteechikai saaʼu waneirua mma pejepünaaka sünain Babilonia otta nushuteechin mapa saaʼu Babilonia (Is. 41:2-5). ¿Eimmolojooinjanache na judíokana sutuma tia? Nüküjatüjülia achiki Jehová wanee pütchi atütüleʼerüinjatka naaʼin na judíokana. Müsü mayaa: «Nnojo mmoluin pia, anii taya pümaa. Nnojo shapaain paaʼin, taya chi Pümaleiwasekai» (paashajeʼera Isaías 41:10-13). ¿Jamüshi «taya chi Pümaleiwasekai», nümaka Jehová namüin? Nüküjain tia Jehová namüin süpüla natüjaain saaʼu naʼwaajüinjachin nia otta eejeechin nia namaa süpüla nükaalinjain naya (Sal. 118:6).

w25.05 süp. 12 püt. 13-16

Paaʼinrajatka süpüla nümülialüin paaʼin Jehová

¹⁴ Nüküjainña Jehová namüin na judío amaanakana Babiloniamüin kekiin maʼin nia jee pülashin maʼin nia. Naaʼinrüin tia süpüla nnojoluinjatüin mmoluin naaʼin. «Jiirakaa iipünaamüin», müshi Jehová namüin süpüla neʼrüinjatüin tü shüliwalakat. Nnojotsü nüküjain neʼe nukumalain tia, nüküjainña namüin kanüliain shia nutuma waneʼewai sukua (Is. 40:25-28). Tü wayaawatakat sünainjee tia shia niʼraajüin Jehová nanülia napüshuaʼa na aʼyataashiikana nümüin. Nükaalinjeena Jehová na aʼyataashiikana nümüin, jama pülashin maʼin nia. Nnojotsüjeseʼe mmoluinjatüin naaʼin na judío amaanakana Babiloniamüin.

¹⁵ Nuluwataain Jehová na judíokana sünain aaʼinraa waneirua kasa süpüla eejüinjatüin naaʼin. Anuu tü nümakat namüin suluʼu Isaías 26:20: «Jia aʼyataaliikana tamüin, jikerota suluʼumüin tü kuatta suluʼukat jipia, jüsürüla tü miichoʼukot jikerotopa. Juunjulaa motsomüin sujuuna sülatüin tü kasachikikat». Eesüjaʼa shikeraajüle tia pütchikat wanaa sümaa nushutuin Ciro saaʼu Babilonia. Naashin wanee wayuu nümaiwajachi ashajüi süchiki tü kasa alatüitpakat, nuluwataain Ciro na nusurulaatsekana süpüla noʼutuinjanain naaʼin na wayuu sainküinpünaakana kaaye suluʼu tü pueulokot Babilonia. Mmotkajasaʼa maʼin naaʼin na wayuu chejeʼewaliikana Babilonia. Eeshiijaʼa noʼttaale na judíokana sutuma naaʼinrüin tü nuluwataakalü anain Jehová.

¹⁶ ¿Kasa watüjaka nanainjee na judíokana? Alüʼütsü maʼin tü kaʼi shiʼrüinjatkat maʼin oʼu müliaa wayuu. Suuntapa tia kaʼikat ayoʼujaajeerü saaʼin wayuu otta mmoleerü saaʼin. Eekajasaʼa wayakana nnojoleerü alatüin wamüin tia, jama watüjaain saaʼu eein wamaa chi Wamaleiwasekai Jehová. Talateena waya süka sülüʼülüin tü kaʼi taasheetkalü oʼu wakuwaʼipa (Luc. 21:28). Ayateeria weʼitaain waaʼin sünain naaʼinmajeenain waya Jehová nushutapa Gog waaʼu. Gog nayaawase waneinnua sülaülashii mma oonoojeenakana nekiira na aʼyataashiikana nümüin Maleiwa. Naaʼinmajeena waya Jehová nakajee na aapieekana otta nuluwataajeena waya sünain aaʼinraa waneirua kasa süpüla nnojoliin outuin waya. Nnojotsü watüjaain saaʼu jameerüin sukuwaʼipa nutuma Jehová süpüla nüküjain wamüin tü waaʼinrajatkat. Eesüjaʼa naaʼinreerüle tia nakajee na wawalayuu outkajaakana wamaa. Eeshiijaʼa nayale shiyaawasein «tü kuatta suluʼukat jipia» ashajünakat suluʼu Isaías. Süpüla eejüin waaʼin paaʼinwainjana waya namaa na wawalayuukana, jüüjüüinjana waya sümüin tü namakat wamüin na wawalayuu oʼunirakana sukuwaʼipa waʼyataain otta wayaawatüinjatü saaʼu niain Jehová oʼunirüin nakuwaʼipa (Heb. 10:24, 25; 13:17).

w19.01 süp. 2 püt. 1, 2

«Nnojo shapaain paaʼin, taya chi Pümaleiwasekai»

¹ EEJATÜ wanee wawala Yoshiko sünülia, süküjain wanee tottoolu sümüin outajatüin shia soʼu palitchon kashi. ¿Jamüsüche saaʼin sutuma tü münakat sümüin? Antajaasü suluʼu shikii Yoshiko wanee pütchi suluʼujee tü Wiwüliakat kamalainka maʼin sümüin, shia Isaías 41:10 (paashajeʼera). Nnojotsü ayoʼujaain saaʼin otta sümaka sümüin tü tottootkat: «Nnojotsü taya mmoluin süka najattüin taya Jeʼwaa». Amülialaasü saaʼin sutuma tia wetsiikulokot otta shiʼitaain maʼin saaʼin nünain Jeʼwaa. Eesü süpüla naaʼinrüin Jeʼwaa tia wapüleerua sülatapa kasa mojusü wamüin. Süpüla watüjaain saaʼu tü naaʼinrakat Jeʼwaa süpüla jimatüinjatüin waaʼin, wekirajaa sünain jamüin nüküjaka Jeʼwaa tia pütchikat nümüin Isaías.

² Nüküjain Jeʼwaa tia pütchikat nümüin Isaías süpüla nümülialüin naaʼin na israeliita amaanakana Babiloniamüin. Otta müsia nüshajirüin Jeʼwaa tia pütchikat suluʼu tü Nünüikikat süpüla nütütüleʼerüin naaʼin napüshuaʼa na aʼyataashiikana nümüin (Is. 40:8; Roma 15:4). Atütülaasü maʼin waaʼin sutuma tü pütchi sümakat tü karaloʼutakat Isaías, shialeekajaʼa maaʼulu süka müliain maʼin saaʼin wayuu (2 Tim. 3:1).

Püchajaa süchiki kaaʼürüi suluʼu tü Bibliakat

lff ekirajaaya 8 pütchi 2, 4

Eeshi süpüla paʼaleewain Jehová

2. ¿Jamüshi anaka Jehová süpüla paʼaleewain?

Miyoʼu maʼin paalin nüpüla Jehová, nücheka achikit anain pukuwaʼipa jee puchuntuin kaalinwaa nümüin. Püküja nümüin süpüshuaʼa tü shapaakalü atuma paaʼin, süka jamüin, nükaalinjeein pia (1 Pedro 5:7). Nükaalinjeein maʼin Jehová na wayuu aleewakana nümaa, nükatchinrüin naaʼin jee naapüin nanüiki (paashajeʼera Salmo 94:18, 19).

4. Aleewashi maʼin Abrahán nümaa Jehová

Wayaawata aaʼu tü naaʼinrajatkat wanee wayuu süpüla aleewain nia nümaa Maleiwa sünainjee tü naaʼinrakat Abrahán (eeshi Abrán nümünüle). Jaashajeʼera nüchiki Abrahán suluʼu Génesis 12:1-4 otta yooto jia süchiki tüü:

• ¿Kasa nuchuntaka Jehová nümüin Abrahán?

• ¿Kasa naapüinjatka Jehová nümüin Abrahán?

• ¿Kasa naaʼinraka Abrahán nüküjapa Jehová nümüin tü naaʼinrajatkat?

MAATSOʼU 9-15

KOROLO KOJUTUSÜ

SULUʼUKA TÜ BIBLIAKAT ISAÍAS 43, 44

Nüküjain Jehová tü alatüinjatkat 200 juya süpülapünaa shikeraajüin

wp20.1 8 püt. 2, 3

Shia tü Wiwüliakat aküjaka tü shiimainkat

Tü alatajatkat. 732 juya süpülapünaa wakalia, nüküjain Isaías sushutüneerüin saaʼu Babilonia jee mapa, piicheinchikinjatü neʼe shia. Wanaapünaa sümaa tia, Babilonia nnojotsü shiain wanee mma kapülainka maʼin (Isaías 13:17-20). Nüküjaleʼeinya Isaías niainjachin Ciro chi ashutakai saaʼu. Nüküjain maʼülainjatüin nutuma Ciro tü süchi alatakat chaa Babilonia süpüla nushutüinjachin saaʼu otta jutateerüin nüpüla, soʼu tia pueulokot (Isaías 44:27–45:1).

Shikeraajia tü süküjakat. Sülatapa 200 juya süchikijee nüküjain Isaías tü alatajatkat, ashutüshi saaʼu Babilonia wanee aluwataai chejeʼewai Persia. Chia makai nia Ciro. Anasü maʼin süsepü tü pueulokot, makalaka shiain niʼrajaain palajana tü süchikat Éufrates, süka sülatüin shiyaamoʼupünaa tü süsepükat. Na nusurulaatsekana Ciro, nalajeʼerüin tü süchikat chaa shikiinainjee süpaʼamüin wanee mma poopooka. Napüʼüpünaapa wüinka, alatüshii naya eemüin soʼu tü pueulokot, maaʼatsü napütalakai saaʼin na chejeʼewaliikana Babilonia jutatüin tü soʼukot napüla. Amülouisü Babilonia nachiki na nusurulaatsekana Ciro.

bhs ekir. 2, püt. 14, 15

Nümaʼanajeejatü Maleiwa tü Wiwüliakat

¹⁴ Ekeraajüsü tü nümakat Isaías maʼaka saaʼin 200 juya süchikijee, ashutuna aaʼulu Babilonia natuma na naʼünüükana. ¿Jaraika nekiipüʼüin na ashutakana? Nia chi aluwataakai saaʼu Persia, Ciro nünülia. Ekeraajüsü süpüshuaʼa tü alatajatkat sümüin tü pueulokot Babilonia saashin tü Wiwüliakat.

¹⁵ Soʼu aikat tia, eejatü wanee miʼiraa chaa Babilonia. Nnojoliinjana jamajüin naaʼinruʼu süka miyoʼuyuuin maʼin süsepü Babilonia otta eein tü süchi alatakat shiyaamoʼupünaa. Kapünayaa müsü tü wüinkat nutuma Ciro namaa na nusurulaatsekana. Shiyoolojopa tü wüinkat, alatüshii na surulaatkana shirokupünaa tü süchikat. Saashin tü Wiwüliakat apütünüsü jutatüin tü supuettoʼusekat Babilonia, müshiijeseʼe nekerotüin na surulaatkana. Nashutaka saaʼu tü pueulokot sümaa nnojoluin natkaain

w22.03 14 püt. 1

¿Müsüche piʼrakai saaʼin tü kasa niʼrakat Zacarías?

¹ TALATASHAATASÜ NAAʼIN na judíokana. Niʼitaain Jehová suluʼu naaʼin Ciro chi aluwataakai saaʼu Persia süpüla taashinjanain nutuma na israelita kakaliainnakana püreesain chaa Babilonia. Nüikaleʼeraka wanee pütchi süpüla naleʼejüinjanain nachikuaʼa na judíokana noumainpaʼamüin jee süpüla nakumajüinjatüin süchikuaʼa tü aʼwaajüleekat Jehová (Esd. 1:1, noota, 3). ¡Anakatche maʼin tia! Naʼwaajüinjachi nachikuaʼa na judíokana chi Maleiwa shiimainshikai chaa noumainpaʼa.

Püchajaa süchiki kaaʼürüi suluʼu tü Bibliakat

w24.02 30 püt. 8

Süsakiraka anain wayuu

Tü chiiruaajatkat shia tü nümakat Jehová nüchiki Ciro sünain taashinjanain na judíokana nutuma otta nuluwataainjanain naya sünain akumajaa süchikuaʼa tü aʼwaajüleekat Jehová (Is. 44:26–45:4). Ekeraajüsü tia pütchikat nünain Ciro, chi aluwataaikai saaʼu Persia (Esd. 1:1-4). Mayaainjeʼe nnojolin niain Jehová nuʼwaajüin Ciro, nikeraajüin Jehová tü nüküjatüjütkalia achiki paala nükajee otta nnojotsü nüpüleeruain naaʼin süpüla nuʼwaajüin nia (Prov. 21:1).

MAATSOʼU 16-22

KOROLO KOJUTUSÜ SULUʼUKA TÜ BIBLIAKAT ISAÍAS 45-47

«Taya neʼe Maleiwakai tamüiwaʼa, nnojoishi eein wanee eekai müin aka taaʼin»

w20.06 5 püt. 14

«Kasataalejeseʼe shiʼraajüin wayuu tü pünüliakat otta kojutuin pia sutuma»

¹⁴ Nüchajaain maʼin sukuwaʼipa Satanaa shiiʼiree nnojoluin nikeraajüin Jeʼwaa tü keeʼireekat naaʼin, isapejeʼe tia nüchiki Satanaa. Ashajünüsü suluʼu tü Wiwüliakat tü kasa naaʼinrüitkat Jeʼwaa otta wayaawata aaʼu sünainjee tia alin wayuu nüpüla sümaa niain neʼe anain süpüla aluwatawaa. Mojusü naaʼin Jeʼwaa sutuma niʼrüijaain wayumüin Satanaa jee na nümaajanakana (Sal. 78:40). Mayaainjeʼe müin tia, nüchajaain Jeʼwaa sukuwaʼipa süpüla nunouteʼerüin tü kasakalüirua sümaa lotuin sukuwaʼipa otta anain sukuwaʼipa nutuma. Jee wainmairü kasa naaʼinraka ayaawatünaka anainjee pülain maʼin nia. Shiapejeʼe jaʼyain naaʼu aipüralin maʼin nia wayuu (1 Juan 4:8). Ayatüsia nukumajüin Jeʼwaa sukuwaʼipa süpüla sütüjaanüin aaʼu alawaain tü münakat nüchiki suluʼu tü apainkat Edén.

w25.06 17 püt. 15

Wayaawatüinjatü aaʼu eein tü kasa nnojotkat watüjaain saaʼu

¹⁵ Mayaainjeʼe nnojoluin watüjaain saaʼu tü alatüinjatkat waneemüin kaʼi, watüjaa aaʼulu eein süpüla katüin woʼu süpüla kaʼikat süpüshuaʼa nutuma Jehová chaa iipünaa jee shiale yaa saaʼu tü mmakat. Watüjaa aaʼulu nikeraajeerüin Jehová süpüshuaʼa tü nümakat süka niain wanee Maleiwa matüjainkai aküjaa alawaa (Tito 1:2). Müshijeseʼe nümüin: «Taya aküjatüjüikai jamüinjatüin sukuwaʼipa sajaʼttia wanee kasa. Tayaʼala neʼe aküjakai süpüshuaʼa tü kasa nnojoyütkalia alatüin». Ekeraajüsü waneepia tü nümakat Jehová jee ayateeria ekeraajüin tü nnojoyütkalia alatüin (Is. 46:10). Watüjaa aaʼulu nnojoluin eein wanee kasa amalajeʼereetka waalin nüpüla Maleiwa (Roma 8:35-39). Kekiijeena waya nutuma Jehová, nümülialeerü waaʼin jee nükatchinreerü waaʼin weʼrüle müliaa. Watüjaa aaʼulu nükaalinjeenain waya waneepia jee eʼreena waya kasa anasü nutuma (Jer. 17:7, 8).

w24.09 11 püt. 13, 14

Wanee karaloʼuta wachecherüinjatka atuma waaʼin sümaʼainruʼu sajaʼttüin kasa mojusü

¹³ Nnojotsü wainmainjatüin kasa namaʼana na anoujashii hebreokana, nnojotsü kachiiruainjatüin naaʼin washirüü. Jülüjainjatü naaʼin tia sümaʼainruʼu süküjünüin namüin noʼunajanain Jerusalénjee (paashajeʼera Hebreokana 13:5). Noʼutku naya anoujashiikana maʼletsesalii jee alatitshii naya jamü (Heb. 10:32-34). Mayaainjeʼe nachecherapuʼuin naaʼin soʼunnaa tü müliaa neʼrakat saaʼujee naküjain tü pütchi anakat maʼin, eeshii na aaʼinmaakana nawashirüin suulia neʼrajüin choʼujawaa. Nnojoliipejeʼe naya oʼttaain sünainjee tü nawashirüinkat sajaʼttinnapa Jerusalén (Sant. 5:3). Kapüleekajasaʼa nümüin chi anoujashi kachiiruakai aaʼin washirüü nüpütüin tü kasa nümaʼanakat süpüla nuʼluwataain Jerusalénjee.

¹⁴ Kanourale maʼin waya sünain najaʼlajeʼerüinjatüin Maleiwa tü kasa mojusü alatakat sainküin mma, nnojoleerü kachiiruain waaʼin washirüü. Soʼunnaa tü kaʼi shiʼreetkat maʼin oʼu müliaa wayuu, malieerü tü nneetkat. Saashin tü Bibliakat sujuteerü wayuu suluʼupünaa kaaye tü nneerü sümaʼanakat. Naaʼinreerü tia süka nayaawateerüin saaʼu nnojoleenain naya isain nuulia Jehová süntapeena nükalia jaʼitasü wainmain ooro jee pülata namaʼana (Ezeq. 7:19). Nnojotsü anain waneeküle wanee kasa shiiʼiree kachiiruain waaʼin washirüü. Shia anaka aluʼu waneeküle wanee kasa anainjatka atuma sukuwaʼipa wapüshi, wakuwaʼipa otta wakuwaʼipa nümaa Jehová. Waaʼinmaale maʼin tü korolo eekat wamaʼana jee kojuyaarale waya sümaa isain wachiki wawalaajüin shia, eesüjaʼa mojeerüle wakuwaʼipa suluʼujee tia (Mat. 6:19, 24). ¿Weʼitaainjatche waaʼin sünain tü korolo eekat wamaʼana? ¿Niataapa weʼitaainjachika anain waaʼin Jehová? Waneeküinjatü tia waneʼewai wakua.

Püchajaa süchiki kaaʼürüi suluʼu tü Bibliakat

w24.02 30 püt. 3-5

Süsakiraka anain wayuu

Naaʼinrüin Jehová kasa eekai eein süpüla nikeraajüin tü nüchekakat. Eesüjaʼa wayaawatüle saaʼu sükajee tia jamüin nuuntaka Jehová nüküjain tü alatajatkat mapeena. Müsü Isaías 46:10: «Taya aküjatüjüikai jamüinjatüin sukuwaʼipa sajaʼttia wanee kasa. Tayaʼala neʼe aküjakai süpüshuaʼa tü kasa nnojoyütkalia alatüin. Chi makai anüiki: ‹Tü pütchi teweetirakat, eejeerü shia waneepia otta tekeraajeerü tü keeʼireekat taaʼin›».

Wane kasa wayaawataka atuma eein süpüla nüküjain Jehová süchiki tü alatajatkat mapeena shia süka pülashin nia, müsüjeseʼe eein süpüla naaʼinrüin tü keeʼireekat naaʼin. Jamüshiijaʼa wanajüle wanee peliikula, eesü wanajüle palajana tü sajaʼttiakat süpüla watüjaain saaʼu tü alatüinjatkat. Nnojotsü müin nukuwaʼipa Jehová süpüla nütüjaain saaʼu tü alatajatkat mapeena. Tü naaʼinrakat shia nüneeküin tü kaʼi sülatüinjatkalü oʼu wanee kasa. Süntapa tia kaʼikat nikeraajüin shia (Éx. 9:5, 6; Mat. 24:36; Aluw. 17:31).

«Takumajüin sukuwaʼipa wanee kasa», «taaʼinreerü shia», maʼwaishi Jehová süpüla nüküjain süchiki waneirua kasa nnojoyütkalia alatüin (2 Rey. 19:25, noota; Is. 46:11). Tia pütchikat suluʼu hebreo sünainjeejatü shia tü naaʼinrakat wanee wayuu atüküikai süka pootshi (Jer. 18:4). Jamüshijaʼa wanee wayuu atüküikai süka pootshi atüjakai maʼin, eesü süpüla nukumajüin wanee iita sümaa anachoin maʼin shia nutuma. Müsia nukuwaʼipa Jehová, eesü süpüla naaʼinrüin wanee kasa wanaapünaa sümaa tü kasa nüchekakat (Éf. 1:11).

MAATSOʼU 23-29

KOROLO KOJUTUSÜ SULUʼUKA TÜ BIBLIAKAT ISAÍAS 48, 49

Aneerü wakuwaʼipa woonoole sümaa tü nümakat Jehová

lff ekirajaaya 35 pütchi 1

Jülüjainjatka waaʼin waaʼinrajatpa wanee kasa

1. ¿Kasa paaʼinrajatka süpüla pansaain tü püneekakat sümaa tü sümakat tü Bibliakat?

Süpülapünaa paaʼinrüin wanee kasa, puchunta kaalinwaa nümüin Jehová. Pikirajaa sünain tü Bibliakat süpüla piyaawatüin saaʼu anale jee mojule wanee kasa (paashajeʼera Proverbios 2:3-6). Eesü piyaawatamaatüle saaʼu wanee kasa nuluwataakalü anain Jehová. Piyaawatamaatüle saaʼu, paaʼinramaatüinjatü shia.

¿Jama nnojorüle piyaawatüin saaʼu wanee kasa nuluwataakalü anain Jehová? Nüküjeerü shia pümüin, jama niain «chi oʼunirakai pia suluʼupünaa tü wopu anasükat» (Isaías 48:17). Sünainjee waneirua pütchi suluʼuka tü Bibliakat, piyaawateerü aaʼu anale jee mojule wane kasa. Pünteerü anain tia pikirajaapa sünain tü Bibliakat. Piyaawatapa saaʼu tü anakat noʼuluʼu Jehová, pütüjaajeerü aaʼu tü paaʼinrajatkat süpüla talatüin naaʼin pümaa.

lff ekirajaaya 34 pütchi 6

Waaʼinrajatka aire wapüla Jehová

6. Anasü wakuwaʼipa woonoole nümaa Jehová

Süpüla anainjatüin wakuwaʼipa, oonooinjana waya sümaa nünüiki Jehová. Jaashajeʼera Isaías 48:17, 18 otta yooto jia süchiki tüü:

• ¿Jamüshi niaka Jehová atüjaain saaʼu tü aneetkalü atuma wakuwaʼipa?

• ¿Kasa anasü piʼraka sünainjee pikirajaain sünain tü Bibliakat jee piʼraajüin nukuwaʼipa Jehová?

w22.08 30 püt. 16, 17

Kojutusü wamüin tü lotookalü akuwaʼipaa nümaʼanajeejatka Jehová

¹⁶ ¿Kasa waaʼinrajatka jülüjale waaʼin iseerüin wachiki lotuin wakuwaʼipa noʼuluʼu Jehová? Jülüjataa waaʼin wanee shiyaawase nutuma Jehová, tü suluʼukat Isaías 48:18 (paashajeʼera). Jamüsüjaʼa lotule nukuwaʼipa wanee wayuu meerü shia maʼaka saaʼin sümüna tü palaakat. Maa chakai waaʼin sotpaʼa palaa sümaa wananajüin tü sümünakat sünain ichaatain jee iseetain sümüin. Watüjaa aaʼu nnojoleerüin shiimalaain tü sümünakat. Ayateerü ichaatain jee iseetain müin shia waneepia.

¹⁷ ¿Kasa waaʼinrajatka süpüla lotuin wakuwaʼipa waneepia maʼaka eein waneepia sümüna palaa? Waneekajatpa wanee kasa, jülüjainjatü waaʼin tü keeʼireekat naaʼin Jehová wapüleerua otta waaʼinra shia jaʼitairü eein wanee kasa kapüleeka süpüla waneeküin. Ayateechia eein wamaa chi Washi iipünaajachikai otta nükaalinjeena waya süpüla waaʼinrüin tü nuluwataakalü anain (Is. 40:29-31).

Püchajaa süchiki kaaʼürüi suluʼu tü Bibliakat

w19.01 9 püt. 7

Waʼwaaja Jeʼwaa wanaa namaa na wawalayuukana

⁷ Eʼrüshii waya kasa anasü sünainjee (Is. 48:17). ¿kasa waaʼinreetka müleka wasoutule sünain tü outkajawaakat? Palajana, yapeerü watuma tü wekirajaainjatkalü anain sünain tü outkajawaakat. Sutuma tia, watüjaweerü maʼin aaʼu tü sümakat tü Wiwüliakat otta weʼitaajeerü shia suluʼu wakuwaʼipa. Tü wane kasa weʼreetkat, shia kamalainjeerüin maʼin wamüin tü outkajawaakat süka yapatüjüliin waya süpüla. Otta tü apünüinkat kasa, shia makateerüin suluʼu wekii tü waküjakat süka wekirajaain maʼin sünain.

AAʼURIIROʼU 6-12

KOROLO KOJUTUSÜ SULUʼUKA TÜ BIBLIAKAT ISAÍAS 50, 51

Waapaja nünüiki Jesús, chi ekirajünakai nutuma Maleiwa

kr-S 182 püt. 5

Se prepara a los ministros del Reino

⁵ A su debido tiempo, Jehová preparó a su Hijo para el ministerio que efectuaría en la Tierra. Analicemos una profecía que describe la relación entre el Magnífico Instructor y su Hijo primogénito (lea Isaías 50:4, 5). Allí se revela que Jehová despertaba a su Hijo “mañana a mañana”. Estas palabras transmiten la idea de un tutor que despierta a su alumno temprano cada mañana para enseñarle cosas nuevas. Un comentario bíblico afirma: “Jehová [...] lo lleva a la escuela como si fuera un alumno y le enseña qué es lo que debe predicar y cómo debe hacerlo”. En esa “escuela” celestial, Jehová enseñó a su Hijo “qué decir y qué hablar” (Juan 12:49). Además, le dio instrucciones sobre cómo enseñar. Mientras estuvo en la Tierra, Jesús empleó bien su preparación, no solo efectuando su propio ministerio, sino también enseñando a sus discípulos cómo efectuar el suyo.

cf-S 133 püt. 13

“Amo al Padre”

¹³ Cuando estaba en el cielo, el Hijo había demostrado que tenía muchas ganas de aprender de su Padre. La profecía de Isaías 50:4-6 revela que Jehová le enseñó a su Hijo lo que implicaría ser el Mesías. Y a pesar de que esto significaba saber todo lo que iba a sufrir el Ungido de Jehová, Jesús no perdió las ganas de aprender. Luego, cuando vino a la Tierra y llegó a ser adulto, no disminuyó su deseo de ir a la casa de su Padre para participar en la adoración y en la enseñanza que Jehová quería que se impartiera allí. Por eso, como dice la Biblia, Jesús asistía fielmente al templo y a la sinagoga (Lucas 4:16; 19:47). Si deseamos mantener vivo y fuerte nuestro amor por Jehová, tenemos que asistir de forma regular a las reuniones cristianas, que es donde lo adoramos y donde llegamos a conocerlo y amarlo más profundamente.

Püchajaa süchiki kaaʼürüi suluʼu tü Bibliakat

w23.03 4 püt. 8

¿Jamüshii woutiisainjanaka waya?

⁸ Wacheküin niainjachin aluwataain Jesús waaʼu, jama niain chi anakai süpüla aluwatawaa saaʼu wayuu. Nüneeküin nia Jehová süpüla nuluwataainjachin otta nikirajüin nia süpüla nütüjain süpüleerua tia (Is. 50:4, 5). Jülüjataa waaʼin tü naaʼinrakat Jesús wapüleerua süka müleʼushaatain tü waalinkat nüpüla (Juan 13:1). Süka niain Jesús aluwataain waaʼu, alinjachi nia wapüla süka süpüshuaʼa waaʼin. Naashin Jesús, aire nia napüla na wayuukana, naaʼinreerü tü nuluwataakalü anain naya. «Taʼaleewainyuu», müshi nia namüin (Juan 14:15; 15:14, 15). Anataʼaleesüjaʼa tü wakuwaʼipakat süka eein süpüla aleewain waya nümaa chi Nüchonkai Jehová.

AAʼURIIROʼU 13-19

KOROLO KOJUTUSÜ SULUʼUKA TÜ BIBLIAKAT ISAÍAS 52, 53

Aishi maʼin Jehová nüpüla Jesús otta aisü maʼin wayuu nüpüla

mwb17.02 3

Müliashi Kürisüto paala waaʼujee

«Mojutsai sutuma wayuu otta ayouktünüshi nia [...] Saaʼin wamüin, müliashi maʼin nia nutuma Maleiwa»

53:3-5

• Mojutsai Jesuu atumawaa otta airuʼutsü nünüiki saashin wayuu. Müliashi nia nutuma Maleiwa naashin waneeinnua otta müshi aka saaʼin wanee ayuulii kashüülasü naashin.

w19.02 11 püt. 15

Anamia waya otta talata naaʼin Jeʼwaa watuma

¹⁵ Maʼaka jeʼra kashi süpülapünaa outuin nia, wainma kasa alataka nümüin shapaaka atuma naaʼin. Nütüjaa aaʼu müliainjachin nia atumawaa jee nuʼutunajachin aaʼin (Juan 3:14, 15 TNM; Gal. 3:13). Otta nüküjain shapaain maʼin naaʼin (Luc. 12:50). Anuu nünüiki maʼaka jeʼra kaʼi süpülapünaa outuin nia: «Shapatüsü maʼi taaʼin». Nnojotsü yaletüin naaʼin Jesuu jee oonooshi nia sümaa nünüiki Jeʼwaa, müshijeseʼe nümüin nümüin: «‹Jaliachon taya, pülatira toulia tü alatajatkat tamüin jooluʼu›, ¿müinjachi taya? Nnojoleechi müin taya pümüin, süka shiainja tantüin apüla tü ouktaakat saʼakamüin wayuu. Taataa, anakaja piiʼiyatüle pukuaippa jooluʼu sümüin wayuu sünain pülashaatain maʼi pia» (Juan 12:27, 28). Meimmoluinsai Jesuu wanaa sümaa süntüin nükalia süpüla naapajiraain nikii. Nuʼutunaka aaʼin sümaa müliain nia atumawaa. Mayaainjeʼe wainmain kasa shapaaka atuma naaʼin, anamiashi Jesuu otta naaʼinrüin tü nuluwataakalü anain nia Maleiwa. Nia anaka maʼin akuwaʼipa Jesuu wapüleerua süka anamiain nia mayaapejeʼe shapaain naaʼin (paashajeʼera Aluwataaushikana 8:32).

Püchajaa süchiki kaaʼürüi suluʼu tü Bibliakat

w25.02 13 püt. 17

Anasü pukuwaʼipa sünainjee motuin naaʼin Jehová paainjala

(Paashajeʼera Isaías 53:5). Saashin tü Bibliakat müsü wanainkai saaʼin wanee ayuulii outasiroʼu süka waleʼeruʼuin süchiki kaainjalaa. Tia shia tü chiiruaajatkat pütchi wekirajaainjatka anain ashajünakat suluʼu tü Bibliakat. Naawaleʼerüin waya Jehová suulia tia ayuuliikat saaʼujee naapajiraain nikii chi Nüchonkai waaʼu. Müshiijeseʼe eein süpüla aleewain waya wachikuaʼa nümaa, tü amülouikat kaainjalapa waya (1 Ped. 2:24). Talatüshi wanee wayuu naawalaapa suulia wanee ayuulii, talataleepejeʼe maʼin waaʼin süka müin naawaleʼerakai waaʼin Jehová süpüla aleewainjanain waya wachikuaʼa nümaa.

AAʼURIIROʼU 20-26

KOROLO KOJUTUSÜ SULUʼUKA TÜ BIBLIAKAT ISAÍAS 54, 55

¿Kasa waaʼinrajatka kojutule wamüin nikirajüin waya Jehová?

w20.10 25 püt. 15

Nuʼunirüin Jeʼwaa sukuwaʼipa nupueulose

¹⁵ Wakalioʼu. Naashin Jeʼwaa sülüʼütpa süpüla sajaʼttüin kasakat süpüshuaʼa, watteena maʼin naalii na wayuu ekeroloko suluʼumüin nupueulose süpüla nikirajüinjanain naya (paashajeʼera Isaías 2:2, 3). Weʼrüin ekeraajüin tia maaʼulu. Alanaʼaleesia maʼin tü nupueulosekat Jeʼwaa suulia tü iküleesia ekirajakat sünain alawaa. Wainma tü kasa naapakat Jeʼwaa wamüin süpüla wayaawatüin maʼin saaʼu tü sümakat tü Wiwüliakat (Is. 25:6). Naapüin wamüin Jeʼwaa tü katchinjatkalü atuma wanoula nükajee «chi achepchiee oonookai otta kekiikai maʼin». Niʼitaain tia wamüin suluʼu pütchin, karaloʼutain, mieekain otta videoin shia (Mat. 24:45). Müsüjeseʼe wanaawain waaʼin nümaa Elihú soʼu nümüin nüchiki Jeʼwaa: «Nnojoishi eein wanee wayuu makai aka naaʼin Maleiwa anakai süpüla ekirajaa waya» (Job 36:22).

w18.11 4 püt. 6, 7

«Piyaʼlaja tü shiimainkat otta nnojo puiküin shia»

⁶ (Paashajeʼera Isaías 55:1-3). Sükajee tü nüküjakat Jeʼwaa wamüin suluʼu pütchikat tüü, wayaawata aaʼu jamaluʼuluin ayaʼlajaa tü shiimainkat otta jamüin aneetka wakuwaʼipa sutuma. Nüküjain Jeʼwaa yala müin tü nünüikikat maʼaka saaʼin wüin, leechi jee wiino. Tü shiimain nümaʼanajeejatkat Jeʼwaa müsü aka saaʼin tü wüin saamatüsü nüsakat wanee wayuu miyaasükai maʼin. Jee müsü shia aka tü leechi miyoʼukat jee katsüinkai atuma wanee joʼuu. Müsia neʼe sukuwaʼipa tü Wiwüliakat wamüin akooʼomüinraasü maʼin wanoula nünain Jeʼwaa sutuma. ¿Jamüsü maka aka saaʼin wiino tü nünüikikat Jeʼwaa? Saashin tü Wiwüliakat, tü wiinokot sünainpünaasü talataa aaʼin (Sal. 104:15). Müsüjeseʼe wanaa sümaa naashajaain Jeʼwaa süchiki ayaʼlajaa wiino, shia nüküjeeka achiki wamüin shiain neʼe talatüin atuma waaʼin waaʼinrüle tü nümakat wamüin (Sal. 19:8). Nüküjain Jeʼwaa wamüin müin aka saaʼin wüin, leechi jee wiino tü Nünüikikat. Tia süpülajatü watüjaain saaʼu aneerüin neʼe wakuwaʼipa wayaawatüle saaʼu tü shiimainkat jee waaʼinrüle tü nümakat wamüin. Wekirajaajeerü süchiki jaʼraisü kasa wooʼulaainjatka süpüla wountüin wayaʼlajüin tü shiimainkat.

¿KASA TÜ WOOʼULAAINJATKAT SÜPÜLA WAYAAWATÜIN SAAʼU TÜ SHIIMAINKAT?

⁷ Tü kaʼi waaʼinrajatkalü oʼu wanee kasa. Choʼujaasü wooʼulaain motsomüin suulia aaʼinraa waneirua kasa süpüla wayaawatüin saaʼu tü shiimainkat. Wainma tü kasa waaʼinrawaikat waneʼewai wakua, choʼujaapejeʼe wachajaain sukuwaʼipa süpüla waapajüin tü pütchi anasükat süchiki Nuluwataaya Maleiwa, waashajeʼerüin otta wekirajaain sünain tü Wiwüliakat jee tü karaloʼutairua ayuʼnnakat suluʼujee. Jee müsia yapainjanain waya süpüla tü outkajawaakat. Süpüla wountüin waaʼinrüin tia, nnojoluinjatü waaʼinrüin waneirua kasa nnojotka choʼujaain maʼin (paashajeʼera Éfeso 5:15, 16, TNM). ¿Jeʼrache kashi niyaawataka amaa wanee wayuu tü kasa mapüleekat suluʼujee tü Wiwüliakat? Oʼunüsü tia süchiirua nukuwaʼipa wanee wayuu. Nnojoishi süpüla eein wanee wayuu ayaawatakai maʼin saaʼu tü kasa nütüjaakalü aaʼu Jeʼwaa, tü nukuwaʼipakat jee tü kasa nukumalakat (Roma 11:33). Suluʼu tü palajatkat maʼin Aapiria Wayuu ojuʼitaka suluʼu inkülee suʼwanaajireʼerüin tü shiimainkat sümaa wanee süsii wunuʼu, sümaka süchiki: «Nnojo anain neʼe paaʼin sümaa waneesia süsii wunuʼu. Müleka anainjatüle neʼe paaʼin sümaa waneesia, nnojotsüjeʼe soʼuyaa sümüin nutuma Maleiwa wanaa sümaa nukumajüin shia. Ayata pia sünain atpajaa, ayata püchajaain süchiki». Wasakireʼera waaʼin sünain tüü: «¿Teʼraajüinche maʼin nukuwaʼipa Jeʼwaa?». Jaʼitakajeʼe neʼe katapa woʼu süpüla kaʼikat süpüshuaʼa ayateeria neʼe choʼujaain wamüin weʼrajüin maʼin nukuwaʼipa Jeʼwaa. Choʼujaasü maʼin maaʼulu wajayatüin kaʼi süpüla wayaawatüin saaʼu tü shiimainkat. Wekirajaa süchiki wanee wayuu ayaawateeka saaʼu tü shiimainkat.

w16.05 18 püt. 12

¿Jamüsü süneekia putuma wanee kasa?

¹² ¿Jarat tü wanee kasa akaaliinjeenakat waya süpüla watüjaain saaʼu tü jülüjakat naaʼin Jeʼwaa? Shia jülüjale maʼin waaʼin tü shikirajakalü anain waya tü nupueulosekat Jeʼwaa süchiki tü Wiwüliakat. Waneeküinjanale wanee kasa jee watüjaweere saaʼu anale shia, acheküsü wachajaainjatüin shia suluʼu Índice de las publicaciones Watch Tower otta Nachajaayainjatü pütchi na aküjüliikana pütchi nüchiki Jeʼwaa. Tü wanee kasa akaaliinjeenakat waya shia jülüjale waaʼin tü ekirajünakat sünain tü outkajawaakat, wayalerüle wajapü süpüla wasouktüin shiʼipajee wanee asakiraa jee wasakireʼerüle waaʼin sünain tü wekirajaakalü anain. Waaʼinrüle tia, aneerü süneekia watuma wanee kasa jee eʼreena waya kasa anasü sünainjee tia nutuma Jeʼwaa.

Püchajaa süchiki kaaʼürüi suluʼu tü Bibliakat

w19.01 6 püt. 14, 15

«Nnojo shapaain paaʼin, taya chi Pümaleiwasekai»

¹⁴ Tü palajatkat kasa sotuinjatka waaʼin shia maalinjeenain waya süpüla wayuu (Mat. 10:22). Nüküjatüjülia Jesuu namüin na nikirajüinkana mülieenain maʼin naya atumawaa sülüʼütpa sükalia süpüla sajaʼttajatüin kasa süpüshuaʼa (Mat. 24:9; Juan 15:20). Tü wane kasa sotuinjatkat waaʼin shia wainmeerüin kasa nooʼulakeetka aka waaʼin na waʼünüükana süka naʼürülain waya. Soʼutku tia makat, shia nemeejeein waya, naküjain alawaa wachiki otta napüleeruain waaʼin (Mat. 5:11). Nuuʼulaajeerü Jeʼwaa nooʼulaküin waaʼin na waʼünüükana sükajee tia (Éf. 6:12; Alat. Map. 12:17). Nnojoliinjanapejeʼe mmoluin waya. ¿Jamüshii nnojoluinjanaka mmoluin waya?

¹⁵ Tü wane kasa sotuinjatkat waaʼin shia nüküjain Jeʼwaa amalajaajeerüin tü kasa aainjüneetkat waka. Maʼaka saaʼinmajünüin wanee wayuu suulia wanee wawai sutuma wanee süsepü piichi, naaʼinmajeena waya Jeʼwaa noulia na müliakana atuma waya (paashajeʼera Isaías 25:4, 5). Jaʼitairü kasain aaʼinnüin waka, kateeria neʼe woʼu waneepia nutuma Jeʼwaa (Is. 65:17).

AAʼURIIROʼU 27–MAAYOʼU 3

KOROLO KOJUTUSÜ SULUʼUKA TÜ BIBLIAKAT ISAÍAS 56, 57

Talatüshii waya sutuma niain Jehová chi Wamaleiwasekai

ip-2-S 269 püt. 14-16

Jehová revivifica el espíritu de los humildes

¹⁴ No obstante, la paciencia divina llegará a su fin. Refiriéndose a ese momento, Jehová declara: “Yo mismo anunciaré tu justicia y tus obras, que no te aprovecharán. Cuando clames por socorro, tu colección de cosas no te librará, sino que un viento se las llevará aun a todas ellas. Una exhalación se las llevará” (Isaías 57:12, 13a). Jehová desenmascarará la falsa justicia de Judá. Sus obras hipócritas no le serán de ningún provecho. Su “colección de cosas” —su gran cantidad de ídolos— no la librará. Cuando la azote la calamidad, un mero soplo de viento barrerá a los dioses en los que confía.

¹⁵ Las palabras de Jehová se cumplen en el año 607 a.E.C., cuando el rey babilonio Nabucodonosor destruye Jerusalén, quema el templo y se lleva cautivos a la mayoría de sus habitantes. “Así Judá se fue al destierro de sobre su suelo.” (2 Reyes 25:1-21.).

¹⁶ De igual modo, la gran colección de ídolos de la cristiandad no librará a esta en el día de la cólera de Jehová (Isaías 2:19-22; 2 Tesalonicenses 1:6-10). Será aniquilada junto con el resto de “Babilonia la Grande”, el conglomerado mundial de religiones falsas. La simbólica bestia salvaje de color escarlata y sus diez cuernos “harán que [Babilonia la Grande] quede devastada y desnuda, y se comerán sus carnes y la quemarán por completo con fuego” (Revelación 17:3, 16, 17). Cuánto nos alegramos de haber obedecido el mandato: “Sálganse de ella, pueblo mío, si no quieren participar con ella en sus pecados, y si no quieren recibir parte de sus plagas” (Revelación 18:4, 5). Que nunca regresemos a ella ni a sus caminos.

w18.06 8 püt. 16

«Waneʼeya sümüin sukuaippa tü taluwataayakat»

¹⁶ Choʼujaashaatasü maʼin weeʼiratüin wakuwaʼipa. Saashin tü Wiwüliakat, sukuwaʼipa wayuu maaʼulu müsü aka sukuwaʼipa tü palaakat jashichipa maʼin shia (Isa. 17:12; 57:20, 21; Alat. Map. 13:1). Mojujiraasü otta atkaajiraasü wayuu maaʼulu saaʼu poliitika. Eekajasaʼa wayakana, anajiraashii otta paaʼinwajiraashii waya. Talatakajasaʼa naaʼin Jeʼwaa sutuma niʼrüin paaʼinwajiraain waya nupueulosekana eerejeʼe kepiain waya saʼaka wayuu mojujiraaka (paashajeʼera Sofonías 3:17).

Püchajaa süchiki kaaʼürüi suluʼu tü Bibliakat

w23.05 16 püt. 9

Ayataʼaya jia suluʼupünaa «tü Wopu Wulekat»

Anasü nutuma Jehová tü wopukot napüleerua na judío chainjanakana Israelmüin (paashajeʼera Isaías 57:14). Müsia tü naaʼinrakat maaʼulu napüleerua na oʼunakana suluʼu «tü Wopu Wulekat». Kakalia süpülapünaa 1919, müsü nuʼwulejakai saaʼin Jehová tü wopukot nakajee na wayuu kanoulakana (anasü paashajeʼerüle Isaías 40:3). Naya wayuu kanoulakana, müshii naʼyataakana aaʼin sünain tia wopukot. Sünainjee tü naaʼinrakat, wainma na wayuu ojuʼitakana suluʼujee Babilonia tü Miyoʼukat süpüla naʼwaajüinjachin Jehová wanaa namaa na aʼyataakana nümüin. Wekirajaa süchiki waneirua kasa aainjünaka süpüla müin yapakai saaʼin tia wopukot.