¿Iñimportántepa reaprende la Biblia omboʼéva?

La Biblia ningo pe lívro ojekuaavéva opárupi. ¿Mbaʼérepa? Oñeʼẽ rupi umi mbaʼe ñande jaikuaávare, ñañandu térã jahasávare. Ipype oñemombeʼu umi mbaʼe ohasa vaʼekue heta tapicha ñandeichagua. Heʼi ñandéve mbaʼéichapa haʼekuéra otrata vaʼekue hapichakuérape ha avei mbaʼéichapa oĩ vaʼekue Ñandejára renondépe. Koʼã istória ningo ikatu ñanemboʼe heta mbaʼe. Ñandejára Ñeʼẽ ojehai ypy vaʼekue oñentende porã hag̃uáicha ha ndojeporúi umi ñeʼẽ hasyetereíva. Upévare ikatu ojetradusi heta idiómape ha péicha ymaite guive umi hénte oparupigua ontendekuaa. Ha umi konsého orekóva katuete ñanepytyvõ.

Iñimportanteveha katu la Biblia ou Ñandejáragui. Upévare ñanepytyvõ jaikuaa porãve hag̃ua chupe, omombeʼu ñandéve héra ha mbaʼépa hembipota ojapórõ guare yvyporakuérape. Avei heʼi ñandéve mávapa hetaite tiémporema oñemoĩ Ñandejárare ha mbaʼépepa opáta upéva. Jaleéramo la Biblia jajeroviavéta Ñandejárare ha jarekóta esperánsa.

La Bíbliape jatopa heta informasión ndajajuhumoʼãiva ótro hendápe. Por ehémplo, omyesakã porã ñandéve koʼã mbaʼe:

• ¿Mávapa ñandeapo vaʼekue ha mbaʼérepa jahasa asy?

• ¿Mbaʼépa ojapo Ñandejára osalva hag̃ua yvyporakuérape?

• ¿Mbaʼépa ojapo Jesús ñanderehehápe?

• ¿Mbaʼépa oikóta ko yvýgui ha mbaʼépa ohaʼarõ yvyporakuérape?

Eleemína umi ótra páhina reikuaa hag̃ua mbaʼépa omboʼe Ñandejára Ñeʼẽ.