“Pe imbaʼeporãva [...] orresivíta heta vendisión”

HETA tiémporema umi oservíva Jehovápe ojapo sakrifísio chupe g̃uarã. Por ehémplo, umi israelita osakrifikámi vaʼekue animál oikuaveʼẽ hag̃ua Ñandejárape. Upéicha avei, umi kristiánope ojekuaa vaʼekue yma guivéma heta ojesakrifika haguére ombotuicha hag̃ua Jehovápe. Péro oĩ ótro típo de sakrifísio Ñandejára oguerohorýva avei (Heb. 13:15, 16). Koʼã sakrifísio rupive haʼe ñanevendesi ha upévare javyʼa. Jahechamína unos kuánto ehémplo ohechaukáva upéva.

Oĩ vaʼekue peteĩ israelita iñeʼẽrendúva Ñandejárape hérava Ana. Haʼe ningo imembyseterei vaʼekue, péro ndaikatúi. Upévare, peteĩ ñemboʼe rupive heʼi Jehovápe la hyeguasúramo ha imemby peteĩ mitãkuimbaʼe, omeʼẽtaha chupe. Ana opromete Ñandejárape: “Oservíta nde rógape oikove aja” (1 Sam. 1:10, 11, TNM). Kon el tiémpo, Ana hyeguasu ha imemby peteĩ mitãkuimbaʼe ombohérava Samuel. Ko mitã oiko vaʼekue isýndi opoʼo peve, péro upéi Ana okumpli ipromésa ha oraha imembýpe pe tavernákulope. Jehová ovendesi Ánape ojapo haguére ko sakrifísio. Upévare, Samuel onase rire haʼe orekove kuri 5 mitã, ha Samuélgui katu oiko proféta ha oskrivi vaʼekue avei la Biblia (1 Sam. 2:21).

Koʼág̃a avei entéro kristiáno oreko pe priviléhio oipurúvo hekove oservi hag̃ua ijapoharépe, ojapo haguéicha Ana ha Samuel. ¿Mbaʼéichapa ikatu jajapo upéva? Ñañemeʼẽmbaitévo Jehová servísiope. Jesús opromete vaʼekue oñemeʼẽtaha hetaiterei vendisión umi ojapóvape tahaʼe haʼéva sakrifísio Jehová rehehápe (Mar. 10:28-30).

Síglo primérope oĩ vaʼekue peteĩ kristiána hérava Dorcas. Haʼe ningo imbaʼeporãiterei vaʼekue ha “oipytyvõ umi oikotevẽvape”. Upévare entéronte oikuaáva chupe ombyasyeterei ou haguére “hasy ha omano”. Upérõ, umi kristiáno ohendu Pedro oĩ hague upérupi, ha ojerure asy chupe pyaʼe ou hag̃ua hendapekuéra. Ñapensamíntena mbaʼeichaitépa oiméne ovyʼa hikuái Pedro omoingove jeýrõ guare Dórcaspe. Péva haʼe vaʼekue pe primera rresurreksión la Biblia omombeʼúva ojapo hague peteĩ apóstol (Hech. 9:36-41). Ñandejára ndahesarái umi sakrifísio Dorcas ojapo vaʼekuégui (Heb. 6:10). Haʼe ningo peteĩ ehémplo neporãva ñandéve g̃uarã pórke imbaʼeporãiterei vaʼekue, ha ojeskrivi la Bíbliape jasegi hag̃ua iñehémplo.

Apóstol Pablo omoĩ avei ñandéve peteĩ ehémplo iporãitereíva. Haʼe ningo nahakateʼỹiete vaʼekue itiémpore oipytyvõ hag̃ua iñermanokuérape. Oskrivírõ guare umi ermáno oikóvape Coríntope, heʼi: “Che ningo vyʼápe agastapaitéta aguerekóva ha añemeʼẽmbaitéta penderehehápe” (2 Cor. 12:15). Pablo ohechakuaa umi mbaʼe ohasávare, pe sakrifísio jajapóva ótro rehehápe ñanembovyʼaitereiha. Péro la iporãvéva, Jehová voi ñandeguerohory ha ñanevendesi jajapóramo upéva (Hech. 20:24, 35).

Jahechaháicha, Jehová oguerohory jaipurúramo ñane tiémpo ha ñane mbaretekue Irréino rehehápe, ha avei ñaipytyvõ hag̃ua ermanokuérape. Péro, ¿oĩpa avei ótra kósa ikatúva jajapo? ¡Si oĩ! Oiméramo jepe ñaipytyvõma hína ikatumiháicha ñande rapichápe, ikatu avei ñamombaʼeguasu Ñandejárape ñameʼẽvo chupe ñane kontrivusión. Umi kontrivusión ojepuru ojepredika hag̃ua opárupi, ha avei oñepytyvõ hag̃ua umi misionéro ha entéro umi ótro siérvo espesiál de tiémpo komplétope. Péicha, haʼekuéra osegi ojapo pe tembiapo iñimportantetéva. Umi kontrivusión rupive ikatu avei ojeprepara ha ojetradusi puvlikasionkuéra ha vidéo, oñepytyvõ umi lugár oikohápe desástre naturál ha oñemopuʼã umi Salón del Reino. La Biblia oasegura ñandéve pe imbaʼeporãva orresivitaha heta vendisión. Péro la iporãveha, ñameʼẽvo Jehovápe “umi mbaʼe iporãvéva” ñamombaʼeguasu hína chupe (Prov. 3:9; 22:9, TNM)

Mbaʼéichapa Ikatu Ñakontrivui Iñasãi hag̃ua Pe Marandu Porã

Apóstol Pablo tiémpope ojejapo haguéicha, heta oĩ omboykéva pláta omoĩ hag̃ua ikontrivusión pe káha héravape “Obra mundial” oĩva Salón del Réinope (1 Cor. 16:2). Káda mes umi kongregasión omondo koʼã kontrivusión pe sukursálpe. Nde ikatu avei remondo ne kontrivusión pe asosiasión de los testigos de Jehová oĩvape ne retãme. Reikuaaséramo pe asosiasión réra, ikatu reñekomunika pe sukursálndi. Reikuaa hag̃ua umi sukursál direksión ikatu reike ko sítio de Internétpe: www.jw.org/gug. Jahechamína mbaʼéichapa ikatu remeʼẽ ne kontrivusión (upéva odepende umi léi oĩvare káda paíspe):

DONACIONES INCONDICIONALES

Ikatu retransferi ne kontrivusión tarhéta de krédito, tarhéta de dévito térã Internet rupive. Oĩ avei sukursál orresivíva umi donasión jw.org rupive, térã ótro sítio de Internét rupive pe sukursál oipurúva.
Ikatu avei redona pláta, joya térã ambue mbaʼe de valór. Reskrivi vaʼerã peteĩ kárta heʼihápe pe pláta térã ambue mbaʼe remeʼẽva haʼeha peteĩ donación incondicional.

DONACIONES CONDICIONALES

Ikatu remeʼẽ pláta, péro sapyʼa rei reikotevẽramo ikatu rejerure jey.
Rejapo vaʼerã peteĩ kárta heʼihápe reikotevẽramo ikatuha rejerure jey umi mbaʼe remeʼẽva, térã haʼeha peteĩ donación condicional.

DONACIONES PLANIFICADAS

Ndahaʼéi pláta térã kósa de valór añónte ikatúva remeʼẽ. Jahechamína koʼág̃a mbaʼéichapa ikatu avei rekontrivui reapoja hag̃ua pe predikasión ojejapóva ko yvy tuichakuére. Redesidi mboyve mbaʼéichapa redonáta, reñekomunika vaʼerã pe sukursál oñenkargávandi pe território nde reikohápe, péicha reikuaáta mbaʼéichapa iporãvéta rejapo upéva. Umi léi idiferénte káda paíspe, umíva apytépe umi léi impuésto rehegua, upévare reñemongeta raẽ vaʼerã umi profesionál ndive, ikatu hag̃uáicha omyesakã porã ndéve mbaʼépa la okonvenivéva.

Seguros y planes de jubilación: Ikatu remoĩ peteĩ segúro de vída térã peteĩ fondo de jubilación pe asosiasión de los testigos de Jehová rérape.

Cuentas bancarias: Ikatu remoĩ peteĩ kontráto rupive koʼã mbaʼe opytataha pe asosiasiónpe remano rire, péro rejapo vaʼerã upéva pe léi vankária nde paispegua heʼiháicha.

Acciones y bonos: Koʼãva ikatu avei redona pe asosiasión oipurúvape testígo de Jehová, térã ejapo peteĩ dokuménto heʼíva koʼã mbaʼe ohasataha pe asosiasiónpe remano rire.

Bienes raíces: Ikatu redona testígo de Jehová asosiasiónpe nde róga, ne terréno térã oimehaichagua propieda reguerekóva ikatu hag̃uáicha oñevende. Térã oiméramo reiko pype, ikatu pejapo peteĩ akuérdo por eskríto oñemoĩhápe reipurutaha pe propieda reikove aja, ha remano rire opytataha pe sukursálpe.

Testamentos y fideicomisos: Ikatu rejapo peteĩ testaménto eskrivanía rupive, térã peteĩ kontráto de transferénsia opyta hag̃ua testígo de Jehová asosiasiónpe ne terréno, óga térã pláta. Ha upéicha ikatu hína repaga saʼive impuésto.

Ñameʼẽ hag̃ua “donaciones planificadas” ñapensa raẽ vaʼerã mbaʼéichapa jajapóta. Ha jaikuaa hag̃ua upéva, ojejapo peteĩ folléto inglés ha castellánope, hérava Donaciones planificadas para favorecer el servicio del Reino en todo el mundo. Ko folléto omombeʼu mbaʼéichapa ikatu ñadona pláta térã ambue mbaʼerepy, tahaʼe koʼág̃a, amo gotyove térã ñamano rire. Ikatu ningo algúna kósa oĩva ko follétope ndaideprovechopái ndéve idiferénte rupi umi léi káda paíspe, umíva apytépe umi léi impuésto rehegua. Koʼã donasión ojepuru ojepredika hag̃ua ha avei oñepytyvõ hag̃ua oiko jave sarambi, por ehémplo desástre naturál. Avei péicha pe okontrivuíva saʼive opaga impuésto. Ko folléto oĩramo ne retãme ikatu rejerure pe sekretário ne kongregasionguápe.

Reikuaasevéramo mbaʼéichapa ikatu rejapo koʼã mbaʼe, eike pe párte heʼihápe “Ojejapo hag̃ua peteĩ donasión” oĩva iguyetépe pe sítio jw.org/gug-pe térã rehenoikuaa pe sukursálpe.