¿Oĩpa esperánsa umi omano vaʼekuépe g̃uarã?

Peteĩva umi sientífiko ñañeʼẽma hague oreko hína ipópe pe paréha ijedáva fóto oĩva oñepyrũvo ko rrevísta

Ndaipóri ojesalváva pe ñemanógui, ¿péro jaʼekuaápa ñamano rire ndajarekoveimaha esperánsa? ¿Opytátapa tesaráipe umi omano vaʼekue, térãpa oikove jeýne algún día?

¿MBAʼÉPA HEʼI LA BIBLIA?

ÑANDEJÁRA NDAHESARÁIRI UMI OMANO VAʼEKUÉGUI

“Opavave umi oĩva pe sepultúrape [...] osẽta” (Juan 5:28, 29).

Ñandejára imanduʼa umi omano vaʼekuére, upévare oikovéta jeýta hikuái.

UMI OMANO VAʼEKUE OIKOVE JEÝTA KO YVY APE ÁRI

‘Oñemoingove jeýta umi hekojojáva ha hekojojaʼỹva’ (Hechos 24:15).

Hetaiterei persóna orresusitáta ha orekóta oportunida oikove hag̃ua pyʼaguapýpe opa árare.

PE RRESURREKSIÓN NINGO OIKÓTA

“Ñandejára okonta ha oikuaa mboy estréllapa oĩ, ha káda únope ohenói hérarupi” (Salmo 147:4).

Ñandejára oikuaáramo mbaʼéichapa héra káda estrélla, koʼýte imanduʼáta umi haʼe omoingovese jeývare.