Umi mbaʼe jaikuaaséva

◼ Ikatúpa ñamoĩ ñane e-mail umi puvlikasión ñameʼẽtavare?

Oĩ puvlikadór omoĩva e-mail umi rrevísta térã tratádo apére, ikatu hag̃uáicha umi oikuaasevéva ohai ombaʼeporandu hag̃ua chupe. Jaikuaáningo oĩha oporopytyvõségui ojapóva upéicha. Upéicharamo jepe, ñande rrevísta térã tratádo orekóma voi ijapére ñande sosieda direksión ojeheka hag̃ua Internétpe. Upévare nañamoĩrivaʼerã hese ñane direksión.

Oĩramo omeʼẽséva idireksión hapichápe, ikatu omeʼẽ, péro ambue kuatiáre, koʼýte oho jey vove hendápe. Iporãvéta ningo ñandete jaha jeýramo javisita umi oikuaasevévape, ñahaʼarõrangue haʼekuéra oñekomunika ñanendive. Ñande rapicha ohechakuaáta jajepyʼapyha hesekuéra jaha jeýramo hendápe ñañemongeta hag̃ua hendive.