Mbaʼeichagua tratamiéntopa reiporavóne?
Opárupi hetave ohóvo umi ospitál ndoiporúiva tuguy ojapo hag̃ua operasión. Ndépa reikuaa mbaʼeichagua tratamiéntopa umíva? Iñimportánte reikuaa porã redesidi hag̃ua mbaʼeichaguápa ikatu reiporu rejoperátaramo térã resegítaramo tratamiénto. Iporãta rehecháramo pe vidéo La negativa a la sangre. La medicina acepta el reto. Upe rire eñemboʼe Jehovápe ha ejepyʼamongeta umi mbaʼe rehechávare. Upearã nepytyvõta umi porandu oĩva koʼápe. Nóta: Ko vidéope ojekuaa mbaʼéichapa ojejapo umi operasión, upévare tuvakuéra oñatende porã vaʼerã ohechátaramo ifamília michĩva ndive.
1) Mbaʼérepa peteĩ testígo de Jehová nomoĩkái tuguy? 2) Mbaʼeichagua tratamiéntopa oipota testigos de Jehová? 3) Mbaʼe deréchopa oreko peteĩ pasiénte? 4) Mbaʼérepa jajapo porãta jaiporavóramo peteĩ tratamiénto ndojeporuihápe tuguy? 5) Mbaʼépa hína umi mokõi mbaʼe ikatúva pyaʼe porã ojapo umi doktór peteĩ hasýva huguyetereíramo? 6) Oĩ cuatro mbaʼe ikatúva ojejapo ani hag̃ua ojeporu tuguy, mbaʼe mbaʼépa umíva? 7) Mbaʼépa ikatu ojapo peteĩ doktór pe hasývare a) ani hag̃ua huguyeterei, b) ani hag̃ua oguejyeterei iglóbulo rojo, c) huguy heta jey hag̃ua, ha d) oiporu jey hag̃ua pe tuguy operdéva? 8) Emombeʼu a) mbaʼéichapa ojejapo pe hemodilución ha b) mbaʼépa ojejapo ojeporu jey hag̃ua ñande ruguy. 9) Mbaʼépa reikuaavaʼerã rejapoukátaramo peteĩ tratamiénto ndojeporuihápe tuguy? 10) Ikatúpa ojejapo umi operasión tuicháva ha ijetuʼúva ojeporuʼỹre tuguy? 11) Mbaʼe iporãvapa ojapohína koʼág̃a rupi umi doktór?
Ñandete jadesidivaʼerã jaiporútapa umi tratamiénto jahechavaʼekue ko vidéope. Jadesidi hag̃ua heta jajepyʼamongetavaʼerã. Reikuaámapa mbaʼeichagua tratamiéntopa reiporúta nde ha avei ne familiakuéra michĩva? Remyenyhẽmaparaʼe nde tarhéta DPA? Rejapo mboyve upéva relee porã vaʼerã “Preguntas de los lectores” osẽvaʼekue La Atalaya del 15 de junio de 2004-pe ha 15 de octubre de 2000-pe. Upe rire, reiporavo porãve hag̃ua, ehesaʼỹijo pe párte osẽvaʼekue Ñane Rembiapo Rréino Rehegua noviembre 2006-pe: “Mbaʼépa apensa umi párte michĩvévare oĩva tuguýpe ha umi tratamiénto ikatuhápe ojeporu che ruguy?”. Umi mbaʼe redesidíva remoĩmbaitevaʼerã pe tarhéta DPA-pe. Ne rrepresentánte ha ne família ndahaʼéiva Testígo oikuaavaʼerã mbaʼeichagua tratamiéntopa reiporavo.