Toñemomarangatu Ñandejára réra
1. Mbaʼéichapa hérata pe aty guasu dos diagua ojejapótava 2012-pe, ha moõguipa oñeguenohẽ?
1 Ñandejára Jehová ningo oheja jaiporu héra porãite asy ha jaiko itestígoramo, upéva peteĩ mbaʼe ijojahaʼỹva. Upéicha rupi, áño 1931 guive ñañembohéra testigos de Jehová (Isa. 43:10). Jesús avei omombaʼetereivaʼekue Itúva réra, ha ohechaukáramo guare hembiguaikuérape mbaʼéichapa oñemboʼevaʼerã, upévare raẽvete imanduʼa (Mat. 6:9). Pe aty guasu dos diagua ojejapótava 2012-pe héra “Toñemomarangatu Ñandejára réra”, ha oñeguenohẽ upe ñemboʼégui.
2. Mbaʼe mbaʼe rehépa oñeñeʼẽta ñande aty guasúpe?
2 Mbaʼe rehépa oñeñeʼẽta. Sábado ojejapóta peteĩ diskúrso hérava “Jaiporupaitékena ñane tiémpo Ñandejára servísiope jaikuaauka hag̃ua héra”, ohechaukátava mbaʼérepa ikatu jaʼe javyʼataha jajapóramo upéicha. Upe rire ojejapóta 4 diskúrso oñeʼẽtava ko témare: “Aníkena ñamongyʼa Jehová réra”, ñanepytyvõtava jajehekýi hag̃ua 4 ñuhãgui. Avei ojejapóta peteĩ diskúrso hérava “Mbaʼérepa oñemomarangatuvaʼerã Ñandejára réra”, upépe jahecháta mbaʼépa ikatu ñanepytyvõ jajapo porãve hag̃ua ñane rembiapo predikasiónpe ha mbaʼéichapa ikatu ñanekyreʼỹ oĩramo jepe nohenduséiva pe marandu. Domingo katu ñahendúta 4 diskúrso ohechaukáva umi mbaʼe ñapensáva, ñañeʼẽ lája, jadesidíva ha umi mbaʼe jajapóva ikatuha omomarangatu Ñandejára réra. Ha umi ou ramóva katuete ohenduséta pe diskúrso púvliko hérava “Jehová omomarangatúta héra guasuete Armagedónpe”.
3. Mbaʼe ijojahaʼỹvapa ikatu jajapo koʼág̃a, ha mbaʼéichapa ñanepytyvõta pe aty guasu?
3 Koʼẽrõitéma ningo Jehová omomarangatúta héra (Eze. 36:23). Péro upe ára og̃uahẽ mboyve ñande jahechaukavaʼerã jaʼe ha jajapóvare ñadefendeha héra marangatu, ha upéva peteĩ mbaʼe ijojahaʼỹva. Pe aty guasu dos diagua katuete ñanepytyvõta ñamombaʼe hag̃ua hekoitépe Jehová réra.