Jaiporu hag̃ua predikasiónpe

Mbaʼéichapa ikatu ñamoñepyrũ estúdio vívliko primer sábado de marzo

“Koʼág̃a rupi umi provlemaita oĩva ombohasa asy familiakuérape. Péro ndépa mbaʼe repensa, moõpa ikatu jatopa umi konsého ñanepytyvõtava javyʼa hag̃ua ñane família ndive?” Ehaʼarõ tombohovái, upéi ehesaʼỹijo hendive peteĩ porandu oĩva Ñemañaha enero-marzo páhina 16 ha 17-pe, ha elee chupe peteĩ téysto oĩva upépe. Upe rire eikuaveʼẽ chupe umi rrevísta ha eporandu chupe arakaʼépa ikatu reho jey hendápe pehesaʼỹijo hag̃ua ambue porandu.

Ñemañaha Enero-marzo

“Koʼág̃a rupi opavavénte omokyreʼỹ umi imitãvape okaʼu, ojedroga ha hekokyʼa hag̃ua. Upévare, tuvakuéra ohayhúramo jepe ifamíliape, ijetuʼueterei omongakuaa porã hag̃ua chupekuéra. Ndépa mbaʼe ere, oñeʼẽvaʼerãpa tuvakuéra koʼãichagua témare ifamíliape? [Ehaʼarõ tombohovái. Upéi elee Efesios 6:4.] Ko artíkulo oĩva páhina 27-pe ohechauka mbaʼérepa iñimportánte tuvakuéra ohekomboʼe umi mitãme michĩete guive hekopotĩ hag̃ua.”

¡Despertad! Marzo

“Koʼág̃a rupi ningo umi hénte inerviosoiterei ha oñorairõsénte voi. Oiko oikónte ha ipochy jeýma. Mbaʼérepa oiméne oiko koʼã mbaʼe, ndépa mbaʼe repensa? [Ehaʼarõ tombohovái.] Emañamína mbaʼépa heʼi la Biblia umi ipochy rei ha oñorairõsévare [elee Salmo 37:8]. Ko rrevísta omombeʼu mbaʼérepa koʼág̃a rupi oĩ hetave hénte peichagua, ha avei ohechauka mbaʼépa ikatu jajapo jajejokokuaa hag̃ua.”