Los testigos de Jehová: una historia de fe viva. Parte 2: Dejan brillar su luz
Áño 1919-pe, ermáno Rutherford ha iñirũnguéra osẽ rire kárselgui, umi Estudiánte de la Biblia ohechakuaa orekoha heta hembiaporã. Pe vidéo hérava Los testigos de Jehová: una historia de fe viva. Parte 2: Dejan brillar su luz, ohechauka oĩ hague heta oñemoĩva hesekuéra, avei ontendeveha ohóvo hikuái la Biblia ha imbareteveha ijeroviakuéra (Pro. 4:18; Mal. 3:1-3; Juan 15:20). Rehecha rire ko vidéo, embohovái koʼã porandu.
1) ¿Mbaʼe mbaʼépa ojapo umi Estudiánte de la Biblia oikuaauka hag̃ua pe marandu porã? 2) ¿Mbaʼépa oiko umi Aty Guasu ojejapovaʼekue áño 1931 ha 1935-pe? 3) ¿Mbaʼe rehépa oñeʼẽvaʼekue pe rrevísta La Atalaya 1 de noviembre de 1939 osẽvaʼekue ingléspe? 4) Emombeʼu mbaʼépa oikovaʼekue Madison Square Gárdenpe, ermáno Rutherford ojapórõ guare idiskúrso hérava “Gobierno y paz”. 5) ¿Mbaʼérepa iñimportantevaʼekue pe diskúrso hérava “Paz... ¿será duradera?” ojapovaʼekue ermáno Knorr? 6) ¿Mbaʼépa ojapo umi testígo de Jehová áño 1942-pe opredika hag̃ua hetaitereive hendápe? 7) Emombeʼu mbaʼéichapa ñane ermanokuéra odefendevaʼekue umi mbaʼe ogueroviáva, Estados Unidos, Canadá ha Gréciape. 8) ¿Mbaʼéichapa pe Eskuéla de Galaad oipytyvõvaʼekue umi ermánope omosarambi hag̃ua pe marandu porã? 9) ¿Mbaʼe iñimportántevapa oñepyrũ ojapo umi testígo de Jehová áño 1946-pe ha mbaʼérepa? 10) ¿Mbaʼe mbaʼépa ojapo umi testígo de Jehová oiko hag̃ua hekoitépe ha la Biblia heʼiháicha? 11) Emombeʼu mbaʼépa ojedesidi áño 1970-pe, Jehová organisasión ombaʼapo hag̃ua hekoitépe la Biblia heʼiháicha. 12) ¿Mbaʼéichapa nepytyvõ ko vidéo rehechakuaa hag̃ua Jehová orekoha opa mbaʼe ipoguýpe ha kóva haʼeha Iñorganisasión? 13) ¿Mbaʼéichapa ko vidéo nemokyreʼỹ akóinte repredika hag̃ua rehasáramo jepe heta mbaʼe ijetuʼúva? 14) ¿Mbaʼéichapa reiporúta ko vidéo reipytyvõ hag̃ua ne hentekuérape, ne estudiántepe ha ambue tapichápe?
Káda día ningo testigos de Jehová ohasa heta mbaʼe omosarambi hag̃ua pe marandu porã Ñandejára Rréino rehegua. Ha ñande, ¿ñañehaʼãpa avei jajapo opa ikatúva Jehová servísiope? Ñahaʼangákena ñane ermanokuéra yma guarépe ha ‘jahesape’ opavavépe jaikuaaukávo pe marandu porã (2 Cor. 4:6).