Jaiporu hag̃ua predikasiónpe

Mbaʼéichapa ikatu ñamoñepyrũ estúdio vívliko primer sábado de abril

“Ore ningo romokyreʼỹ hína enterovépe olee hag̃ua la Biblia. Péro heta oĩ opensáva ijetuʼuetereiha ñantende hag̃ua, ¿ndépa mbaʼe repensa upévare? [Ehaʼarõ tombohovái.] Emañamína mbaʼépa heʼi koʼápe.” Ehechauka chupe pe última páhina oĩva rrevísta Ñemañaha 1 de abrílpe, ehesaʼỹijo hendive pe primer porandu ha elee avei peteĩ téxto vívliko oĩva upépe. Upéi eikuaveʼẽ umi rrevísta ha ere chupe reho jeytaha rehesaʼỹijo hag̃ua hendive pe ótro porandu.

Ñemañaha 1 de abril

“Koʼág̃a rupi enterovéva ombohovái heta provléma. Upévare oĩ oñeporandúva jepi ikatúnepa jaiko vyʼápe. Ndépa mbaʼe repensa, ¿mbaʼérepa koʼág̃a rupi ndaikatuvéi jaiko vyʼápe? [Ehaʼarõ tombohovái.] La Biblia opromete Ñandejára koʼẽrõitéma oipeʼapataha umi mbaʼe ñanembohasa asýva [elee Revelación 21:4]. Ko rrevísta ohechauka mbaʼépa ñaneraʼarõ tenonderãme ha avei mbaʼépa ikatu jajapo koʼág̃ama voi jaiko hag̃ua vyʼápe.”

¡Despertad! Abril

“Opárupi ko yvy ape ári oĩ omaltratáva iména térã hembirekópe. Oĩ heʼíva upéva oikoha peteĩ tetãme ojejepokuaa rupi ojejapo upéicha, ogapýpe ojehechágui sy ha túva oñomaltrata térã ojehecha rupi umi pelíkula térã videohuégo ivioléntova. Péro ¿ndépa mbaʼére ere oĩha hetaite oñomaltratáva hogapýpe? [Ehaʼarõ tombohovái.] La Biblia ohechauka porã mbaʼéichapa ména ha tembireko ojotrata vaʼerã [elee Efesios 5:33]. Ko rrevísta ohechauka umi konsého oĩva la Bíbliape oipytyvõ vaʼekue heta omendávape oiko porã jey hag̃ua.”