MBAʼÉICHAPA IKATU OPA PE ÓDIO
2 | Ani eñevenga
La Biblia omboʼéva:
“Oĩramo ojapóva ivaíva penderehe ani pejapo hese la mísma kósa. [...] Pejapókena entéro mbaʼe ikatúva peiko hag̃ua pyʼaguapýpe pende rapichakuérandi. [...] Ani peñevenga. [...] Ñandejára Ñeʼẽme heʼi voi: ‘Che añevengáta ha amyengoviáta chupekuéra hembiapo vaikue’, heʼi Jehová” (ROMANOS 12:17-19).
Mbaʼépa heʼise ko téxto:
Ñanembopochyeterei ningo añete la oĩramo ñandetrata vaíva, upéicharõ jepe Ñandejára ndoipotái ñañevenga. Upéva rangue, haʼe oipota ñanepasiénsia ha jaheja ipópe upe situasión, pórke koʼẽrõitéma haʼe osolusionáta entéro inhustísia oikóva (Salmo 37:7, 10).
La ikatúva rejapo:
Peteĩ persóna oñevengáramo pe ódio ojagarrapave ohóvo ha ndopái. Upévare, oiméramo oĩ álgien ojapóva raʼe álgo ne kóntrape, ani eñevenga ni erreaksiona vai. Eñehaʼãnte ejejoko ha eñembyesaráinte la oiko vaʼekuégui (Proverbios 19:11). Péro oĩta avei káso tekotevẽhápe emombeʼu la oiko vaʼekue. Por ehémplo ojejapóramo nderehe álgo ndeperhudikáva térã ndereja vaietereíva, nde ikatu edesidi emombeʼu upéva umi polisíape térã ótra autoridápe.
Ñañevengárõ, ñandénte jajeperhudika jeýta
¿Péro mbaʼépa oikóta oiméramo ndaikatúi oñesolusiona pe provléma trankílo porãnte? ¿Térã oiméramo nde ejapopaitéma la nde párte oñesolusiona hag̃ua ha lomímonte osegi la provléma? Umícha jave anínte eñevenga, osino embyaivéta la káva raity. Reñevengárõ, pe ódio osegíta okakuaa. Eñehaʼã ekonfia Ñandejárare, haʼe oikuaa porãve hína mbaʼéichapa oñesolusionakuaa upe provléma. La Biblia heʼi voi: “Ejerovia hese ha haʼe katuete nepytyvõta” (Salmo 37:3-5).