¿Mbaʼérepa oĩ hetaite ndorrespetáiva ifamíliape?

MBAʼÉREPA IÑIMPORTÁNTE JARRESPETA ÑANE FAMÍLIAPE

Peteĩ famíliape káda uno ojorrespetáramo oĩ pyʼaguapy ha enterovéva oñeñandu segúro.

Pe lívro Siete reglas de oro para vivir en pareja heʼi ména ha tembireko ojorrespetáramo ohechaukaha ojoayhuha “ndahaʼéi umi mbaʼe tuicháva ojapóva rupivénte, síno avei umi detalleʼi mimi ojapóvare káda día”.
Umi investigasión ohechauka umi mitã oaprendéva orrespeta vaʼerãha hapichápe okonfiaveha ijehe, ojogueraha porãveha ituakuérandi ha ndorekoguasuiha provléma emosionál térã mentál.

MBAʼÉPA NDE IKATU REJAPO

Eplanea ne famíliandi la pejapótava. Primero, peẽ tuakuéra pejasegura vaʼerã enterovéva pene famíliape ontendeha mbaʼépa heʼise pe rrespéto. Segundo, peskrivi mbaʼépa umi mitã ojapo vaʼerã ha mbaʼépa ndojapói vaʼerã. Tercero, peñeʼẽ en família la perekóvare planeádo, ikatu hag̃uáicha káda uno oikuaa mbaʼépa ikatu ojapo ohechauka hag̃ua opororrespetaha.

“Umi oplanea porãva la ojapótava, katuete osẽ porã chupekuéra la ojaposéva” (Proverbios 21:5).

Nde voi emoĩ la ehémplo. Eñeporandumína: “¿Amotĩpa che famíliape ojavy jave hikuái? ¿Añembohorýpa la haʼekuéra heʼívare? ¿Napenáipa hesekuéra oñeʼẽ jave? ¿Añeʼẽjokópa chupekuéra?”. Nemanduʼákena nde raẽvete rehechauka vaʼerãha repororrespetaha.

Konsého: Ehechauka errespetaha ne ména térã ne rembirekópe ha umi mitãme, repensáramo jepe sapyʼánte haʼekuéra nomereseiha upéva.

“Peẽ ningo púntape pehechauka vaʼerã pemombaʼeha pende rapichápe” (Romanos 12:10).

Epororrespeta nereiméiramo jepe de akuérdo pe ótra persónandi. Peñemongeta jave, ani ere: “Nde ningo siémpre...”, térã: “Nde ningo núnka...”. Koʼãichagua fráse ikatu omoñeñandu vai ha oofende ne héntepe. Ikatu oime michĩnte raʼe la provléma, péro reipuru rupi koʼã fráse ikatu oñembyaipave la situasión.

“Pe persóna orrespondéva pyʼaguapýpe ombohasaite pe pochy, péro pe orresponde vaíva ombopochyve rei hapichápe” (Proverbios 15:1).

Peteĩ mitãkuña ohecha peteĩ vidéo jw.org-pe.

MBAʼÉPA ROJAPO ORE

Ore testígo de Jehová romokyreʼỹ entéro famíliape ojorrespeta hag̃ua. Upévare roñeʼẽ meme upe témare umi vidéo ha artíkulo osẽvape Internétpe ha avei umi rrevísta, lívro ha follétope ikatúva oñekonsegi grátis.

OMENDÁVAPE G̃UARÃ: Koʼã artíkulo oipytyvõkuaa umi ména ha tembirekópe...

... ojogueraha porã hag̃ua
... oñopytyvõ hag̃ua
... ojovalora hag̃ua

(Eheka “Matrimónio” jw.org-pe, térã eike heʼihápe LA BIBLIA OMBOʼÉVA > MATRIMÓNIO HA FAMÍLIA)

TUAKUÉRAPE G̃UARÃ: Koʼã artíkulo oipytyvõkuaa umi sy ha túape omongakuaa porã hag̃ua ifamília, ha avei...

... oñemongeta meme hag̃ua ifamíliandi
... omoĩ hag̃ua ehémplo porã chupekuéra opa mbaʼépe
... odisiplinakuaa hag̃ua chupekuéra

(Eheka “Mitã ñemongakuaa” jw.org-pe, térã eike heʼihápe LA BIBLIA OMBOʼÉVA > MATRIMÓNIO HA FAMÍLIA)

Ehecha avei “Informasión oĩvéva: Tuvakuéra oñeporandúva”, retopátava ko lívrope: Mitãrusukuéra oñeporandúva jepi, konsého peẽme g̃uarã (volúmen 1). (Eike jw.org-pe heʼihápe VIVLIOTÉKA > LÍVRO HA FOLLÉTO)

MITÃRUSUKUÉRAPE G̃UARÃ: Koʼã artíkulo ha vidéo oipytyvõkuaa umi mitãrusúpe...

... ojogueraha porã hag̃ua ituakuérandi
... oñedefendekuaa hag̃ua oñorairõʼỹre
... ituakuéra ojeroviave hag̃ua hesekuéra

(Eheka “Mitãrusukuéra” jw.org-pe, térã eike heʼihápe LA BIBLIA OMBOʼÉVA > MITÃRUSU HA MITÃKUÑANGUÉRA)

Eipuru hag̃ua ore sítio de Internet jw.org, natekotevẽi repaga mbaʼeve ni ejesuskrivi. Avei ndojejeruréi nde datokuéra.