Jaipurúkena ñande sítio jw.org japredika jave: “Eikókena Jehová amígoramo”

Ñane páhina jw.org-pe oĩ heta vidéo iñinteresánte ha ideprovéchova. Umíva apytépe umi vidéo hérava “Eikókena Jehová amígoramo”. ¿Reipurúmapa umíva predikasiónpe? Oimérõ restudia hína la Biblia peteĩ persóna orekóvandi mitã michĩva, ehechaukákena chupe koʼã vidéo ñane páhinape. Upéva ikatu hína omomýi chupe oike hag̃ua avei umi ótro seksiónpe ha ohecha mbaʼépa oĩ umívape.

Ojerrepartírõ guare pe tratádo ¿Añetehápepa oikove jeýta umi omanóva?, peteĩ ermáno omeʼẽ pe tratádo peteĩ kuñakarai oguerekóvape unoskuánto mitã. Ko kuñakarai upepete voi oñepyrũma olee ha imembykuéra oikuaaseterei avei mbaʼéguipa oñeʼẽ pe tratádo. Pe ermáno oexplika chupekuéra mbykymi pe informasión oĩva pe tratádope ha ohechauka chupekuéra ñane páhina direksión oĩva ikupépe. Pe kuñakarai oñatende porã rupi hese, ko ermáno ohechauka avei chupekuéra iselulárpe peteĩva umi vidéo mitãme g̃uarã.

Peteĩ ermána omombeʼu peteĩ ikompañéra de traváho orekóvape mitã ñane páhina jw.org-pe oĩha informasión iñimportánteva familiakuérape g̃uarã. Ko kuñakarai oike ñane páhinape ha ohecha imembykuérandi. Upe rire, haʼe omombeʼu pe ermánape imembykuéra oikoha pe ógarupi opurahéi “Epredika Ñandejára Ñeʼẽ”, peteĩ kántiko oĩva umi vidéo apytépe.

Eñehaʼãkena eikuaa porã umi vidéo mitãme g̃uarã oĩva ñane páhina jw.org-pe, ha emboguejy voi nde selulárpe. Péicha rejapóramo reiméta preparádo reipuru hag̃ua koʼã vidéo repredika jave. ¡Ajépa iporãite ko erramiénta oñemeʼẽva ñandéve! Tuichaiterei ñanepytyvõ jaservi hag̃ua tembiguáiramo ñande Ruvichápe (Hech. 20:19).