¿Mbaʼépa jajapo vaʼerã Ñandejára ñandeguerohory hag̃ua?

Pemboyke umi mbaʼe vai. 1 Corintios 6:9, 10

Jahayhúramo Jehovápe ndajajapomoʼãi umi mbaʼe ndogustáiva chupe.

Jehová ndoipotái ñamonda, jakaʼu, jaipuru dróga, japita térã jaisuʼu petỹ.

Ñandejára ndoipotái japorojuka, ñaneenvidióso ni ñañorairõ ñande rapichándi. Haʼe heʼi ivaiha kuñanguéra oityka imemby, ha heʼi avei ivaiha kuimbaʼe oreko rrelasión sexuál hapicha kuimbaʼéndi ha kuña kuñándi.

Ndovaléi jaadora umi taʼanga, jajapo espiritísmo ni paje.

Pe paraísope ndaiporimoʼãi ni peteĩ persóna iñañáva.

Jajapo vaʼerã iporãva. Mateo 7:12

Ñandejára ñandeguerohory hag̃ua, ñañehaʼã vaʼerã jasegi iñehémplo.

Jahayhu vaʼerã ñande rapichápe, ñanembaʼeporã ha ñandepojera vaʼerã.

Ñaneonrrádo vaʼerã.

Oĩramo ofalláva jaiporiahuvereko ha ñaperdona vaʼerã chupe

Ñamombeʼu vaʼerã ñande rapichápe mávapa Jehová ha mbaʼépa ivolunta (Isaías 43:10).