Lección 14

Ñandejára amigokuéra ndojapói ivaíva

Satanás ñaneraʼã jajapo hag̃ua ivaíva. Jaikosérõ Ñandejára amigo ramo, nañandejaʼeivaʼerã umi mbaʼe Jehová ndaijaʼéivare (Salmo 97:10). Koʼã mbaʼe ndojapoivaʼerã Ñandejára amigokuéra:

Umi mbaʼe Jehovápe ndogustáiva, por ehémplo pekádo sexuál, avórto, jekaʼu, ñemonda, japu, violénsia ha huégo de asár

Pecados sexuales. “Ani reiko tembireko nembaʼeʼỹva ndive.” (Éxodo 20:14.) Ñamenda mboyve naiporãi avei jareko relaciones sexuales (1 Corintios 6:18).

Jekaʼu. Umi “ikaʼúva [...] ndoike moʼãi Tupã Ñandeyára réinope” (1 Corintios 6:10, Versión Popular).

Porojuka ha aborto. “Ani reporojuka.” (Éxodo 20:13.)

Ñemonda. “Ani remonda.” (Éxodo 20:15.)

Japu. Jehovápe g̃uarã ivaieterei “ijapúva” (Proverbios 6:17.)

Violencia ha pochy ndojejokóiva. Jehová “ndaijaʼéi umi violencia ohayhúvare” (Salmo 11:5, NM). Umi “yvypóra reko rembiapo” apytépe oĩ “pochy rei” (Gálatas 5:19, 20, VP).

Juego. “Haʼese vaekue niko ndaperekói vaerãha mbaʼeveichagua joaju umi [itaryrýivare, NM]” (1 Corintios 5:11.)

Odio ojeguerekóva raza térã pire joavýgui. “Pehayhu umi pende rehe ijaʼeʼỹvape, ha peñemboʼe umi pene mbohasa asývare” (Mateo 5:43, 44.)

Ñandejára heʼi ñandéve pe iporãva ñandéve g̃uarã. Sapyʼánte hasy ñamboyke mbaʼe vai, upéicharõ jepe Jehová ha Itestigokuéra rupi ikatu remboyke umi mbaʼe Ñandejárape naiporãiva (Isaías 48:17; Filipenses 4:13; Hebreos 10:24, 25).