Leksión 5

Elee oĩhaichaite

1 Timoteo 4:13

MBAʼÉPA HEʼISE: Elee jave epronunsia porã vaʼerã umi palávra.

Ejeprepara porã vaʼerã. Eñehaʼã eikuaa maʼerãpa ojeskrivi pe informasión releétava. Elee vaʼerã de unoite umi fráse ha eñatende ani hag̃ua ekambia térã eipeʼa umi palávra releekuévo. Avei errespeta vaʼerã umi signokuéra, por ehémplo: kóma, púnto, sígno de pregúnta, ha umícha.

Ejerure peteĩ ne amígope ohendu hag̃ua relee jave ha heʼi hag̃ua ndéve mbaʼe pártepa rejavy kuri.
Epronunsia porã vaʼerã umi palávra. Ndereikuaáiramo mbaʼéichapa oñepronunsia peteĩ palávra, ikatu rehendu umi gravasión upe puvlikasióngui térã ikatu avei ejerure peteĩ olee porãvape nepytyvõ hag̃ua.
Oñentende porã vaʼerã la releéva. Epronunsia porã vaʼerã káda palávra eréva. Ikatu hag̃uáicha epronunsia porã umi palávra, eñakãrapuʼã vaʼerã elee hag̃ua ha eavri porã vaʼerã nde juru.

Elee jave epronunsia vaʼerã umi palávra umi hénte oñeʼẽháicha jepi voi.