LA BIBLIA OMBOHOVÁI KOʼÃ PORANDU
¿Mbaʼépa jahupyty Jesús omano rupi ñanderehehápe?
Ñandejára ojapo vaʼekue yvyporakuérape oiko hag̃ua opa árare ko yvy ape ári. Haʼe ndoipotái kuri ñanderasy ni ñamano. Péro ñande ru ypykue, Adán, ou opuʼã Ñandejárare ha operde upéva. Ha ñande jaju rupi Adán familiarégui, ñanderupyty avei pe ñemano (Romanos 5:8, 12; 6:23). Péro Jehová, pe Ñandejára añetegua, ombou Itaʼýra ko yvy ape ári omano, ikatu hag̃uáicha ojerrekupera jey Adán operde vaʼekue. (Elee Juan 3:16.)
Jesús omano vaʼekue ikatu hag̃uáicha ñande jaikove opa árare ko yvy ape ári. ¿Mbaʼéichapa nde reñeñandúta rehupyty vove upéva?
Jesús omano rupi ñanderehehápe, ikatu oñeperdona ñandéve ñande pekádo ha jareko esperánsa jaikovévo opa árare ko yvy ape ári. La Biblia omombeʼu mbaʼéichapa jaikóta opa vove mbaʼasy, ñemano ha hetave mbaʼe ñanembosufríva koʼág̃a. (Elee Isaías 25:8; 33:24 ha Apocalipsis 21:4, 5.)
¿Mbaʼéichapa jagueromanduʼa vaʼerã Jesús omano hague ára?
Pe pyhare omano mboyve, Jesús heʼi idisipulokuérape mbaʼépa ojapo vaʼerã ogueromanduʼa hag̃ua haʼe omano hague ára. Ha ñande avei jagueromanduʼáramo upéva káda áño, ñanepytyvõta jahechakuaa hag̃ua mbaʼeichaitépa Jesús ha Jehová ñanderayhu. (Elee Lucas 22:19, 20 ha 1 Juan 4:9, 10.)
Ko áñope, lunes 14 de abril, kuarahy oike rire rogueromanduʼáta Jesús omano hague ára. Roipotaite ningo oremoirũ. Umi testígo de Jehová oikóva nde reikohárupi ikatu omombeʼu ndéve moõ ha mbaʼe órapa ojejapóta upéva. (Elee Romanos 1:11, 12.)