LA BIBLIA OMBOHOVÁI KOʼÃ PORANDU
¿Mbaʼe esperánsapa jareko tenonderãme g̃uarã?
Jesús omano rupi ñanderehehápe, koʼẽrõitéma avave nopensamoʼãvéi ijehénte. ¿Mbaʼérepa jaʼe upéva?
Heta mbaʼéma ningo ojehupyty pe siénsia rupive. Péro, ¿ikatúne piko umíva oipytyvõ la hénte ojoayhu ha ojepyʼapy hag̃ua ojuehe? Ijetuʼu lénto upéva oiko hag̃ua, pórke la hénte amasdía opensa ijehénte, ojepyʼapy rangue hapichakuérare. Péro Ñandejára oipota peteĩ mbaʼe iporãvéva yvyporakuérape g̃uarã. (Elee 2 Pedro 3:13.)
La Biblia heʼi koʼẽrõitéma enterovénte ojoayhutaha ha avave ndoperhudikamoʼãiha hapichápe. Upérõ g̃uarã oĩtama segurida. (Elee Miqueas 4:3, 4.)
¿Mbaʼépa ojejapóta anivéma hag̃ua la hénte opensa ijehénte?
Adán ningo perfékto vaʼekue, péro odesidírõ guare odesovedese Ñandejárape, operde pe perfeksión ha upévare oñepyrũma opensa ijehénte. Ha ñande ningo Adán familiare, upévare ñanaséma imperfékto ha ñapensase jepi avei ñandejehénte. Péro Jesús rupive Ñandejára ñanepytyvõta jahupyty hag̃ua pe perfeksión. (Elee Romanos 7:21, 24, 25.)
Jesús omeʼẽ vaʼekue hekove perfékto opaga hag̃ua Adán operde vaʼekue odesovedesérõ guare Ñandejárape, ha péicha okumpli Itúva volunta (Romanos 5:19). Jesús rupive yvyporakuéra ikatúta ohupyty pe perfeksión, ndaiporimoʼãvéima opensáva ijehénte ha avavépe ndostiramoʼãvéima pe pekádo. (Elee Salmo 37:9-11.)