Reiporupareína umi invitasión?

Peteĩ jevy peteĩ mitãʼi oguerekóva 11 áño otopami kállepe peteĩ invitasión (hoja suelta) heʼihápe oĩtaha peteĩ diskúrso oñeʼẽtava infiérnore. “Upéva ahenduseterei”, heʼi upéi pe mitãʼi, “pórke vaicha chéve pe ajapóvante oĩ vaiha, ha ajepyʼapyeterei ahárõ g̃uarã pe tatarendýpe amano rire”. Oho ohendu pe diskúrso, ha ohasa rire un áño rupi, ostudia rire la Biblia, ojevautisa. Upéicha oñepyrũ Karl Klein pe servísio kristiánope, ha upéi oservi pe Cuerpo Gobernante de los Testigos de Jehová-pe heta áñore. Ha oñepyrũ otopa rire pe invitasión.

Koʼág̃a peve ikatu ojeporu porã umi hoja suelta. Heta puvlikadór ojuhu ikatuha oñepyrũ oñemongeta peteĩ tapicha ndive omeʼẽ rire peteĩ invitasión. Tuvakuéra ikatu omoñepyrũ itaʼyrakuérape predikasionhápe ohejáramo omeʼẽ hikuái pe invitasión ogaha rupi. Umi puvlikadór ohaíva hapichakuérape opredika hag̃ua, ikatu omoĩ peteĩ invitasión pe kártape. Ha ikatu jaiporu pe invitasión ñamokyreʼỹ hag̃ua ñane estudiántepe, térã umi oikuaasevévape, oho hag̃ua ñane rreunionhápe.

Reiporu porãpa reína pe hoja suelta repredika jave?