Prográma pyahu ñane asambléa de sirkuítope g̃uarã

Ko múndo vai jahasávape, og̃uahẽ mbotáva huʼãme, tekotevẽterei jaguereko meme ñandejehe ñande ao espirituál ha ñañehaʼã tojekuaa ñanderehe ñande haʼeha kristiáno (Rev. 16:15). Upévare iporãiterei ñane asambléa de sirkuíto téma 2005/2006-pe g̃uarã: “Peñemondékena pe teko pyahúgui” (Col. 3:10).

Primer día. Pe primer simpósio, “Jahechauka ñamondehague pe teko pyahu”, ohechaukáta mbaʼéichapa ojapo porãta ñanderehe opa mbaʼépe ñamombaretéramo ñande pype pe teko pyahu. Mbaʼéichapa ikatu ñamombarete pe teko pyahu? Upéva ojehechaukáta mokõi diskúrso rupive, oñemeʼẽtava opakuévo pe primer día, “Eñehaʼã ndejehe rejepyʼamongeta hag̃ua hekópe porã” ha “Edukasión omoĩva pe teko pyahu hendápe porã”.

Segundo día. Pe segundo simpósio, “Ñambaʼapo jaiporu hag̃ua ñande juru umi iñarandúva ojapoháicha”, ohechaukáta mbaʼéichapa pe teko pyahu ñanepytyvõ jaiporu porã hag̃ua ñande juru. Pe diskúrso púvliko, hérava “Ndepuʼakapareína pe añáre?”, ohechaukáta tekotevẽha ñañeñangareko ani hag̃ua jaʼa umi ñuhã Satanás oiporúvape. Umi mokõi diskúrso oñemeʼẽtava opa hag̃ua pe asambléa, “Aníkena reheja ko múndo nemongyʼa”, ha “Ñambopyahu koʼẽ koʼẽre pe ñañandúva ñande pyʼapýpe”, ñanepytyvõta jaipeʼa hag̃ua ñandejehegui umi aktitu ha tembiapo oñemoĩva Ñandejára Ñeʼẽre, ha jasegi hag̃ua ñanembarete Jehová adorasiónpe.

Koʼág̃a ñahaʼarõta pe asambléa, ñanemokyreʼỹtava ñamonde hag̃ua ha ani hag̃ua jaipeʼa pe teko pyahu.