Ñande Aty Guasu ñanepytyvõ ñañemoag̃uive hag̃ua Jehováre
1. Mbaʼépa omeʼẽ ñandéve Jehová ani hag̃ua ñande jerovia ikangy?
1 Jehová imbaʼeporãitereígui ñanerekomboʼe, ñanembokatupyry ha ñanemokyreʼỹ ñamoherakuã hag̃ua hekoitépe pe marandu porã (Mat. 24:14; 2 Tim. 4:17). Ha upearã oiporu heta mbaʼe, pór ehémplo oĩ ñande aty guasu dos diagua ojejapótava 2010-pe. Upéva oñeguenohẽ Romanos 8:5 ha Judas 17-19-gui ha ñanepytyvõta ani hag̃ua ñande jerovia ikangy.
2. a) Mbaʼéichapa ñanepytyvõta ñande aty guasu? b) Mbaʼéichapa penepytyvõ ambue aty guasu pepredika hag̃ua hekopete?
2 Mbaʼéichapa ñanepytyvõta. Heta mbaʼe ningo oĩ hoʼu reíva ñane tiémpo, ha umíva ipeligróso ikatúgui ñanderesarea ha upéicha rupi nañapenaguasuvéi umi mbaʼe iñimportantevévare. Upévare ñande aty guasu ñanepytyvõta jajesareko porã hag̃ua. Avei jahecháta mbaʼérepa ndovaléi jaiko ñaneakãre ha mbaʼéichapa oikovaʼerã peteĩ tapicha ohayhúva Ñandejárape. Domingo katu ñahendúta peteĩ simpósio omombaretétava ñane família jerovia jaropuʼaka hag̃ua oñondivepa umi jepyʼapy ipohyivéva ohóvo koʼẽ koʼẽre. Jahechakuaa upéicharõ ko aty guasu ñanepytyvõtaha ñañangareko hag̃ua ñane remiandu rehe, ñaime porã hag̃ua Ñandejára renondépe ha jajesareko meme hag̃ua umi mbaʼe ndaijojaháivare Ñandejára omeʼẽtava umi iñeʼẽrendúvape.
3. Arakaʼépa ojejapóta ñande aty guasu dos diagua? Ha mbaʼépa jajapomavaʼerã koʼág̃a guive?
3 Oiméramo jaikuaáma arakaʼe ha moõpa ojejapóta ñande aty guasu dos diagua, ñañembosakoʼimavaʼerã ha ág̃a ñaimévo upépe katu ñañehaʼã jajapysaka porã. Jaikuaaháicha ikatupyrýva rembiapo mbaʼe porã memeteha, ha Jehová katuete ohovasa koʼãichaguápe (Pro. 21:5).
4. Mbaʼépa Jehová ohupytyka ñandéve ñande aty guasu rupive?
4 Jehová ningo ko jopói porãite meʼẽha. Ha ko aty guasu rupive tembiguái jeroviaha haʼetépe ohupytyka ñandéve ñaikotevẽva jajapo hag̃ua hekopete ñane rembiapo. Upévare, jaaguyjemeʼẽ Jehovápe pyʼaporãme omeʼẽ haguére ñandéve ñaikotevẽmíva guive ‘jajepytaso mbarete hag̃ua ñande jeroviápe’ (Heb. 10:23-25; Sant. 1:17).