Mbaʼéichapa ikatu ñaikuaveʼẽ ñande lívro Mbaʼépa omboʼe la Biblia

Ko supleméntope retopáta heta suherénsia ikatúva reiporu reikuaveʼẽ hag̃ua ñande lívro Mbaʼépa omboʼe la Biblia. Osẽ porãve hag̃ua ndéve ikatu rejapo ne ñeʼẽtéme, ha ou porãve hag̃uáicha nde territóriope. Eñehaʼã avei eikuaa porã moõpa oĩ pe lívrope umi párrafo ojeporúva. Ikatu avei ojeporu otroichagua presentasión, umi ou porãtava nde territóriope (Ehecha Nuestro Ministerio del Reino, enero 2005, páhina 8).

Armagedón

◼ “Ohendúvo oñeñeʼẽ pe ‘Armagedóngui’, oĩ heta tapicha oimoʼãva oñehundipaitetaha opa mbaʼe. Mbaʼépa eréne reikuaáramo pe Armagedón iporãtaha? [Ehaʼarõ tokontesta. Upéi elee Revelación 16:14, 16.] Ehendumína mbaʼéichapa ojeikóta ko Yvy ape ári opa rire pe Armagedón.” Eiporu páhina 82-84, ha elee párrafo 21.

Biblia

◼ “Pyʼỹinte oñehenói la Bíbliape Ñandejára Ñeʼẽ, ajépa? Ndépa repensámava mbaʼérepa ikatu ñahenói hendápe porã Ñandejára Ñeʼẽ peteĩ lívro yvypóra ohaivaʼekuépe? [Ehaʼarõ tokontesta. Upéi elee 2 Pedro 1:21 ha páhina 19, párrafo 5.] Ko lívro ohechauka ñandéve mbaʼépa heʼi la Biblia.” Ehechauka umi porandu oĩva páhina 6-pe.

◼ “Koʼág̃a oĩ hetaiterei informasión ikatúva jahupyty, ndahaʼéi yma guaréicha. Péro moõpa, vaicha ndéve, ikatu jatopa konsého iporãva ñanepytyvõtava jaiko porã ha javyʼa hag̃ua? [Ehaʼarõ tokontesta. Upéi elee 2 Timoteo 3:16, 17 ha páhina 23, párrafo 12.] Ko lívro ohechauka mbaʼéichapa jaikovaʼerã javyʼave hag̃ua ha ñambovyʼa hag̃ua Ñandejárape.” Ehechauka pe informasión ha pe taʼanga osẽva páhina 122 ha 123-pe.

Família

◼ “Enterove jaipota ñane família oiko vyʼápe, ajépa? [Ehaʼarõ tokontesta.] La Biblia ohechauka oĩha peteĩ mbaʼe ikatúva jajapo ñane família ovyʼa hag̃ua: Japorohayhuvaʼerã Ñandejára oporohayhuháicha.” Elee Efesios 5:1, 2 ha páhina 135, párrafo 4.

Jeikove opaʼỹva

◼ “Haimete opavave ñaneresãise ha jaiko arese. Péro, ikatútaramo oiko upéva, reikosénepa opa ára g̃uarã? [Ehaʼarõ tokontesta. Upéi elee Revelación 21:3, 4 ha páhina 53, párrafo 17.] Ko lívro ohechauka mbaʼéichapa ikatúta jahupyty pe jeikove opaʼỹva ha mbaʼéichapa ojeikóta upéva og̃uahẽ vove.”

Jesucristo

◼ “Opavave ko yvy ape ári ohendúma katuete Jesucristo oikohague. Oĩ umi heʼíva Jesucristo haʼentehague peteĩ kuimbaʼe iñimportánteva. Oĩ katu oadoráva chupe, heʼíva haʼeha Ñandejára Ipuʼakapáva. Ndépa ere iñimportanteha pe jagueroviáva Jesucrístogui?” Ehaʼarõ tokontesta. Upéi elee Juan 17:3 ha páhina 37, párrafo 3. Ehechauka umi porandu oĩva oñepyrũvo pe kapítulo, pe título guýpe.

Ñande rogarã

◼ “Heta hendápe hasyvéma koʼág̃a jatopa peteĩ óga iporãmíva jaiko hag̃ua ha ikatútava japaga. Ndépa reimoʼã ikatúne hag̃ua og̃uahẽ pe ára opavave oguerekotahápe katuete peteĩ óga iporãmíva oiko hag̃ua? [Ehaʼarõ tokontesta. Upéi elee Isaías 65:21, 22 ha páhina 34, párrafo 20.] Ko lívro ohechauka mbaʼéichapa oikóta upéva, Ñandejára oprometehaguéicha.”

Ñandejára Jehová

◼ “Heta tapicha ogueroviáva oĩha Ñandejára oĩ porãse hendive. Ndépa reikuaáma Ñandejára oipotaha ñañemoagũi hese? [Ehaʼarõ tokontesta. Upéi elee Santiago 4:8a ha páhina 16, párrafo 20.] Ko lívro ohechaukáta ndéve mbaʼéichapa ikatu reiporu nde Biblia reikuaa porãve hag̃ua Ñandejárape.” Ehechauka umi porandu oĩva páhina 8-pe, oñepyrũvo pe kapítulo.

◼ “Heta oĩ oñemboʼéva oñemomarangatu hag̃ua Ñandejára réra. Ndépa reñeporandúma mbaʼéichapa héra Ñandejára? [Ehaʼarõ tokontesta. Upéi elee Salmo 83:18 ha páhina 195, párrafo 2, 3.] Ko lívro ohechauka mbaʼépa añetehápe omboʼe la Biblia Ñandejára Jehovágui, ha maʼerãpa haʼe ojapovaʼekue yvypórape.”

Ñemano/Jeikove jey

◼ “Heta tapicha oĩ oikuaaséva mbaʼépa añetehápe oiko ñandehegui ñamano rire. Ikatúpa, vaicha ndéve, jaikuaa upéva? [Ehaʼarõ tokontesta. Upéi elee Eclesiastés 9:5 ha páhina 58, párrafo 5, 6.] Ko lívro omombeʼu avei umi omanovaʼekue ikatutaha oikove jey, ha mbaʼépa upéva heʼiséta umi omanovaʼekuépe g̃uarã.” Ehechauka pe taʼanga oĩva páhina 75-pe.

◼ “Omanóramo peteĩ jahayhúva katuete jahechase jeýta, ajépa? [Ehaʼarõ tokontesta.] Heta tapicha ipyʼarory oikuaávo umi omanovaʼekue oikove jeytaha, heʼiháicha la Biblia [Elee Juan 5:28, 29 ha páhina 72, párrafo 16, 17]. Ko kapítulo omombeʼuve umi mbaʼégui.” Ehechauka umi porandu oĩva páhina 66-pe, oñepyrũvo pe kapítulo.

Ñemboʼe

◼ “Ndépa reñeporandúma mbaʼéichapa Ñandejára ombohovái ñane ñemboʼe? [Ehaʼarõ tokontesta. Upéi elee 1 Juan 5:14, 15 ha páhina 170-172, párrafo 16-18.] Ko kapítulo omombeʼu avei mbaʼérepa iporã ñañemboʼe ha mbaʼépa jajapovaʼerã ikatu hag̃uáicha Ñandejára ñanerendu.”

Ñorairõ guasu/Pyʼaguapy

◼ “Ñande rapichakuéra oparupigua oikose pyʼaguapýpe. Ndépa reimoʼã ñande képente ikatuha jahecha pe mbaʼe porã? [Ehaʼarõ tokontesta. Upéi elee Salmo 46:8, 9.] Ko lívro ohechauka mbaʼéichapa Ñandejára oguerúta pyʼaguapy oparupiete ko yvy ape ári.” Ehechauka pe taʼanga oĩva páhina 35-pe, ha ehesaʼỹijo hendive páhina 34, párrafo 17-21.

Rrelihión

◼ “Oĩ heta tapicha koʼág̃a opensáva umi rrelihión oĩha ogueru hag̃ua provlémante, ndahaʼéi omyatyrõ hag̃ua. Ndépa reimoʼã pe rrelihión ogueraha porãha hína yvyporakuérape? [Ehaʼarõ tokontesta. Upéi elee Mateo 7:13, 14 ha páhina 145, párrafo 5.] Ko kapítulo ohesaʼỹijo seis mbaʼe ohechaukáva mbaʼeichavaʼerãpa pe rrelihión oĩ porãva Ñandejárandi.” Ehechauka pe lísta oĩva páhina 147-pe.

Umi mbaʼe vaieterei oikóva/Jehasa asy

◼ “Oiko vove peteĩ mbaʼe ivaietereíva, heta oĩ oñeporandúva añetehápepa Ñandejára ojepyʼapy ñanderehe, ha ohechápa pe jahasa asy jave. Ndépa repensámava umi mbaʼére? [Ehaʼarõ tokontesta. Upéi elee 1 Pedro 5:7 ha páhina 11, párrafo 11.] Ko lívro ohechauka mbaʼéichapa Ñandejára oipeʼapaitéta umi mbaʼe ombohasa asýva yvyporakuérape.” Ehechauka umi porandu oĩva páhina 106-pe, oñepyrũvo pe kapítulo.

[Rrekuádro oĩva páhina 5-pe]

Mbaʼéichapa ikatu ñañeʼẽ kontrivusióngui pe óga járape

“Remeʼẽséramo peteĩ kontrivusión michĩmi reipytyvõ hag̃ua ko tembiapo opárupi ojejapóvape, ikatu remeʼẽ.”

“Norovendéiramo jepe koʼã lívro, rejaposéramo peteĩ kontrivusión michĩmi reipytyvõ hag̃ua ko tembiapópe, ojejapóva opárupi ko yvy ape ári, ikatu rejapo.”

“Oiméne reikuaase mbaʼéichapa ikatu ojepaga ojejapo hag̃ua opárupi ko tembiapo. Ikatu oĩ rupi umi omeʼẽva kontrivusión oipytyvõségui. Nde reipytyvõséramo, ikatu remeʼẽ avei peteĩ kontrivusión michĩmi.”