Jaiporu ñande videokuéra ñaporomboʼe hag̃ua
1. Mbaʼéichapa Jehová ohechaukavaʼekue umi mbaʼe omboʼeséva isiervokuérape, ha mbaʼéichapa upéva oipytyvõ chupekuéra?
1 Jehová siervokuéra yma guarépe sapyʼánte ojehechauka iképe umi informasión iñimportánteva, ha sapyʼánte opayhápe. Ezequiel ohecha ku añeterõguáicha Jehová mbaʼyruguata yvagapegua (Eze. 1:1-28). Epensamína avei mbaʼéichapa oñeñandunerakaʼe Daniel ohecha rire iképe mbaʼéichapa hysýi umi poténsia mundiál (Dan. 7:1-15, 28). Ha mbaʼépa jaʼéta umi mbaʼeguasuete pe apóstol Juan ohechavaʼekuégui, ojehechaukávo chupe umi mbaʼe oikótava ‘Jesucristo árape’? (Rev. 1:1, 10, NM). Jehová ohechauka chupekuéra umi mbaʼe oikorõguáicha, ikolorpáva, imanduʼa hag̃ua hikuái are peve.
2. Mbaʼépa ikatu jaiporu ñamboʼe hag̃ua Ñandejára Ñeʼẽ?
2 Ñande avei, ñamboʼétaramo Ñandejára Ñeʼẽ ñande rapichápe imanduʼa hag̃uáicha are peve, ikatu jaiporu ñande videokuéra. Umíva omboʼe heta mbaʼe ha ñanepytyvõ jajeroviave hag̃ua Ñandejára Ñeʼẽre, Jehová organisasión rehe ha umi ñanemboʼévare, ñanepytyvõva oiko hag̃ua ñandehegui kristiáno añete. Jahechamína mbaʼéichapa ikatu jaiporu umi vidéo ñamboʼe hag̃ua.
3. Mbaʼépa ikatu reiporu ne estudiánte oikuaave hag̃ua Jehová organisasión?
3 Ñane predikasiónpe. Ndépa remombeʼu jepi ne estudiántepe ñane ermanokuéra oĩha opárupi? Ikatu rehechauka upéva chupekuéra. Upearã reiporukuaa pe vidéo Toda nuestra asociación de hermanos. Ikatu reiporuka chupekuéra ohecha hag̃ua pestudia mboyve térã ikatu pehecha oñondive pestudiáta jave. Upéi peiporukuaa umi porandu oĩva Nuestro Ministerio del Reino junio 2002-pe peñemongeta hag̃ua pe vidéo ohechaukávagui.
4. Mbaʼépa ikatu umi mitãrusukuéra oiporu ijeskuélape?
4 Peẽ mitãrusu, ikatu peñemongeta pene mboʼeharakuéra ndive ha pemombeʼu chupekuéra ikatuha pehechauka pende klásepe umi vidéo Los testigos de Jehová se mantienen firmes ante el ataque nazi, térã Fieles ante las pruebas. Los testigos de Jehová de la Unión Soviética. Peje chupekuéra ikatuha pehesaʼỹijo pene irũnguéra ndive pe klásepe umi mbaʼe ohechaukáva pe vidéo. Upearã ikatu pemoĩ pene ñeʼẽme umi porandu osẽva Nuestro Ministerio del Reino junio 2001 térã febrero 2003-pe.
5. Mbaʼépa ikatu tuvakuéra oiporu ostudiáta jave ifamília ndive?
5 Ñane família ha ñane amigokuéra ndive. Peẽ tuvakuéra, mboýmapa okakuaave pende raʼykuéra osẽ guive pe vidéo Los jóvenes preguntan... ¿Cómo conseguir amigos verdaderos? Mbaʼépa peje pehecha jeýramo pestudiáta jave? Nuestro Ministerio del Reino abril 2002-pe oĩ umi porandu ikatúva peiporu peñemongeta kyreʼỹ hag̃ua pehechapa rire.
6. Mbaʼépa ikatu jajapo ñañomokyreʼỹ hag̃ua ñane ermanokuéra ndive?
6 Oĩpa umi ermáno reinvitaséva oho hag̃ua nde rógape? Pehecháramo pe vidéo Respetemos la autoridad de Jehová pevyʼáta oñondive ha peñopytyvõta espiritualménte. Ikatu peiporu umi porandu oĩva Nuestro Ministerio del Reino septiembre 2004-pe peñemongeta hag̃ua pe vidéo omboʼévagui.
7. Moõpa ikatúne avei reiporu ñande videokuéra?
7 Moõpa jaiporukuaa avei. Moõpa ikatu avei jaiporu umi 20 vidéo jaguerekóva? Revisíta pyʼỹiramo peteĩ tapichápe, oipytyvõnepa chupe ohecháramo peteĩ térã mokõi vidéo? Ikatúpa reikuaveʼẽ rehechauka hag̃ua umi koléhio térã ospitál nde róga jerére oĩvape? Oipytyvõnepa ne hentekuéra ndahaʼéiva Testígope, ne vesinokuéra térã ne irũnguéra nde travahohápe? Ñande videokuéra oporomopensa, ha omboʼe porã umi mbaʼe ohechaukáva rupive. Jaiporúkena ñaporomboʼe hag̃ua.