Jaipurúkena umi vidéo ñamboʼe hag̃ua ñane estudiántepe

Umi mbaʼe jahecháva ñanepytyvõ ikatu hag̃uáicha ñantende ha ñanemanduʼa porã umi enseñánsare. Jehová ningo haʼe ñane Mboʼehára Ijojahaʼỹva, ha haʼe ojevale vaʼekue umi mbaʼe ojehechávare omboʼe hag̃ua isiervokuérape umi mbaʼe iñimportánteva (Gé 15:5; Jer 18:1-6). Jesús ojapo vaʼekue avei péicha, haʼe hína pe Mboʼehára Guasu (Mt 18:2-6; 22:19-21). Koʼág̃arupi ojepuru meme umi vidéo pórke ideprovechoiterei. ¿Jaipurúpa hína umíva ñamboʼe hag̃ua ñane estudiántepe?

Koʼag̃aite jareko 10 vidéo ñanepytyvõva jaexplika hag̃ua umi leksión oĩva pe folléto héravape Notísia porã oúva Ñandejáragui. Koʼã vidéo oñembohéra hag̃ua sapyʼánte ojepuru umi pregúnta oĩva negrítape pe follétope. Ñane páhina de Internétpe ko folléto oreko umi enláse ñanepytyvõva jaikuaa hag̃ua mbaʼe leksiónpepa jahechauka vaʼerã káda vidéo. Péro oĩve avei vidéo ñanepytyvõva jaexplika hag̃ua umi mbaʼe oĩva umi puvlikasión jaipurúvape ñaporomboʼe hag̃ua.

¿Ijetuʼúpa ne estudiántepe ontende hag̃ua peteĩ mbaʼe omboʼéva la Biblia? ¿Ohasapa hína peteĩ mbaʼe ijetuʼúva? Ehekamína jw.org®-pe térã JW Broadcástingpe® peteĩ vidéo ikatúva oipytyvõ chupe. Ikatu voi pehecha oñondive la vidéo ha peanalisa.

Káda mes osẽ heta vidéo pyahu. Rehecha vove umíva, ikatu epensa mbaʼéichapa ikatu eipuru reporomboʼe jave.