Jaiporúkena umi vidéo ñaipytyvõ hag̃ua ñane estudiantekuérape
Jehová ningo oñeʼẽ ha oiporu vaʼekue heta taʼanga, ikatu hag̃uáicha oipytyvõ Abrahán ha Jeremíaspe ontende hag̃ua umi mbaʼe iñimportánteva omboʼeséva chupekuéra (Gén. 15:5; Jer. 18:1-6). Ñande avei ikatu jaiporu umi vidéo ikatu hag̃uáicha ñane estudiantekuéra ontende ha omombaʼe la Biblia omboʼéva. Pe prográma oĩva ko páhinape ohechauka mbaʼéicha javépa ikatu jaiporu koʼã vidéo. Péro ani ñanderesarái káda estudiánte idiferenteha, upévare tekotevẽ jahecha mbaʼe vidéopa ou porãvéta chupekuéra.
Lívro Mbaʼépa omboʼe la Biblia?
◻ Kapítulo 1: Pehesaʼỹijo rire párrafo 17, pehecha Las maravillas de la creación revelan la gloria de Dios.
◻ Kapítulo 2: Pemohuʼã rire ko kapítulo, pehecha La Biblia: el libro más antiguo y actual.
◻ Kapítulo 9: Pehesaʼỹijo rire párrafo 14, pehecha Los testigos de Jehová: organizados para predicar las buenas nuevas.
◻ Kapítulo 14: Pemohuʼã rire ko kapítulo, pehecha La Biblia: el poder que ejerce en su vida.
◻ Kapítulo 15: Pehesaʼỹijo rire párrafo 10, pehecha Toda nuestra asociación de hermanos.
Lívro “Jaikókena Ñandejára Mborayhúpe”
◻ Kapítulo 3: Pehesaʼỹijo rire párrafo 15, pehecha Los jóvenes preguntan... ¿Cómo conseguir amigos verdaderos?
◻ Kapítulo 4: Pemohuʼã rire ko kapítulo, pehecha Respetemos la autoridad de Jehová.
◻ Kapítulo 7: Pehesaʼỹijo rire párrafo 12, pehecha La negativa a la sangre. La medicina acepta el reto.
◻ Kapítulo 9: Pehesaʼỹijo rire párrafo 6, pehecha Ejemplos amonestadores para nuestros días.
◻ Kapítulo 17: Pemohuʼã rire ko kapítulo, pehecha “Andamos por fe, no por vista”.
Heta estudiántepe ikatu hína oipytyvõve ohecháramo ótro vidéo. Por ehémplo, umi ohasa asývape oĩgui opuʼãva hese ikatu omokyreʼỹ koʼã vidéo: Fieles ante las pruebas. Los testigos de Jehová de la Unión Soviética ha Los testigos de Jehová se mantienen firmes ante el ataque nazi. Ha umi mitãrusu ha mitãkuñanguérape katu tuicha oipytyvõta koʼã vidéo: Vayamos tras metas que honran a Dios ha Los jóvenes preguntan... ¿Qué haré con mi vida? Ñaanotákena ñande lívro Mbaʼépa omboʼe la Biblia? ha Jaikókena Ñandejára Mborayhúpe mbaʼéicha javépa jahecha vaʼerã peteĩ vidéo ñane estudiántendi térã jaiporuka chupe ohecha hag̃ua. Ha oñeguenohẽvo umi vidéo ipyahúva, ñapensáma vaʼerã mbaʼéichapa ikatu jaiporu ñaipytyvõ porãve hag̃ua ñane estudiantekuérape (Luc. 24:32).