Jaha jeýkena javisita opavave oikuaasevévape
1 Oĩ heta ñande apytépe jaservivañaína Jehovápe oĩgui peteĩ ohechakuaavaʼekue jaikuaaseveha pe marandu porãgui, ha ou jeyvaʼekue ñandevisita. Ikatu oime heta vése ñandevisitarakaʼe ha upéi ñañepyrũ jastudia. Ñande upeichavaʼerã avei. Ñañehaʼãvaʼerã javisita jey opavave oikuaasevévape. Ikatu hag̃uáicha ‘jajapo disípulo’, ojeʼehaguéicha ñandéve, jajapomantevaʼerã upéva (Mat. 28:19, 20).
2 Jahechakuaákena mávapa oikuaaseve. Peteĩ tapicha ndohejáiramo jepe mbaʼeveichagua puvlikasión, ikatu pe heʼívare térã hováre jahechakuaa omombaʼeha pe marandu porã. Jahechakuaáramo umi mbaʼe, jaha jeyvaʼerã javisita chupe. Peteĩ ermáno cinco semána pukukue ovisita peteĩ karaípe ohejaʼỹre chupe mbaʼeve ha pe seis veseha oho jeývape ae ojagarra chugui peteĩ puvlikasión. Aremi rire oñepyrũ ostudia.
3 Rehechakuaáramo oikuaaseveha reñehaʼãvaʼerã ani rehaʼarõiterei reho jey hag̃ua revisita chupe. Aníkena reheja pe “aña” oipeʼa pe reñotyvaʼekue nde rapicha korasõme (Mat. 13:19). Tereho jeýkena eréramo reho jeytaha peteĩ díape (Mat. 5:37).
4 Japredikávo kállepe. Retopáramo peteĩ tapicha oikuaasevéva rehe, tahaʼe kállepe térã ambue hendápe, reñehaʼãpa reipytyvõve hag̃ua chupe? Peñemongetapa rire ikatu ere: “Ajépa iporã koʼã mbaʼe jahechavaʼekue. Moõ piko ikatu jajotopa jey ñañemongetave hag̃ua?”. Oĩ puvlikadór ohecháva ikatuha omeʼẽ iteléfono número pe tapicha oikuaasevévape, térã ojerure chupe imbaʼére. Ojehecháramo repredikaha jepi upérupi ikatu oĩ omeʼẽséva ndéve iteléfono número térã heʼi ndéve moõpa oiko. Oĩramo ndeʼiséiva ndéve umi mbaʼe, ikatuhína retopa jey hese upérupi repredikave hag̃ua chupe.
5 Ajépa javyʼaiterei jahecháramo ipoty pe plánta ñande voi ñañangarekovaʼekue hese. Upeichaite javyʼáta avei javisita jeýramo umi oikuaasevévape ha ñaipytyvõramo chupekuéra oikuaave hag̃ua Ñandejárape (1 Cor. 3:6). Upévare, ñañehaʼãkena jaha jey javisita opavave oikuaasevévape.