Ñemañaha oguerúta heta mbaʼe pyahu iporãitereíva
1 Ko áño reiképe, umi kongregasionkuérape oñemomarandu enero 2008 guive oñeguenohẽtaha mokõi Ñemañaha ha ndahaʼemoʼãi koʼag̃aguáicha. Peteĩ oñeguenohẽta opavave tapichápe g̃uarã ha ambue katu ermanokuérape g̃uarãnte. Oiméne ñañeporandu: “Mbaʼépepa ojoavýta koʼã rrevísta? Mbaʼérepa iporãvéta oñeguenohẽramo mokõi rrevísta? Mbaʼépa ipyahúta ipype?”.
2 Mbaʼépepa ojoavýta. Pe número 1 osẽtava káda més, oñeguenohẽta opavave tapichápe g̃uarã, ha upeicharãicha voi ojepreparáta umi artíkulo. Pe número 15 osẽtava káda més, oñeguenohẽta oñehesaʼỹijo hag̃ua kongregasiónpe ha noñekuãveʼẽmoʼãi predikasiónpe. Ko rrevístape oñemoĩta umi artíkulo oñehesaʼỹijótava un més aja, ha avei umi artíkulo oipytyvõtava kristianokuéra ojevautisámavape. Iporãtaramo jepe ñande jalee pe oñeguenohẽtava opavave tapichápe g̃uarã, upéva ojejapóta oleese hag̃uáicha umi ndahaʼéiva Testígo ha omombaʼéva la Biblia. Ha pe rrevísta ¡Despertad! katu oñeguenohẽta gueteri hetavépe g̃uarã, umíva apytépe oike umi ndojeroviáva mbaʼevére ha umi oĩva rrelihión ndojeroviáivape Jesucrístore.
3 Mbaʼérepa iporãvéta. Pe rrevísta oñeguenohẽtavape oñehesaʼỹijo hag̃uánte natekotevẽmoʼãvéima oñemyesakã mbaʼépa heʼise “precursor”. Avei, ko rrevístape osẽta umi informasión testigos de Jehová ha umi estudiánte oñakãrapuʼãvape g̃uarã. Ha mbaʼépa oguerúta pe oñeguenohẽtava opavavépe g̃uarã? Ojeporavo ha ojehai hag̃ua mbaʼérepa oñeñeʼẽta, oñepensa umi ndahaʼéivare Testígo. Upévare haʼekuéra oleeséta avei ñandéicha oñepyrũ guive opa peve. Ñaikuaveʼẽtagui oñondive káda més peteĩ númeronte Ñemañaha ha ¡Despertad!, jarekóta cuatro semána jaiporu hag̃ua ñañeʼẽvo ñande rapichakuéra ndive.
4 Umi mbaʼe pyahu oguerútava. Pe oñeguenohẽtava opavavépe g̃uarã oguerúta heta mbaʼe pyahu jahecharamótava. Oĩta umi artíkulo ohesaʼỹijóva ndahasýi hag̃uáicha umi mbaʼe iñimportantevéva omboʼéva la Biblia. Oĩta avei umi oipytyvõva familiakuérape. Oñemoĩta avei umi mbaʼe oipytyvõtava mitãrusu ha mitãkuñanguérape ohesaʼỹijo hag̃ua la Biblia. Ipahápe, oguerúta avei peteĩ artíkulo heta téysto reheve ñanepytyvõtava jaikuaave hag̃ua Jehovápe.
5 Jajerure Jehovápe ovendesimi hag̃ua koʼã mbaʼe pyahu. Ñahaʼarõiterei Ñemañaha ha ¡Despertad! omog̃uahẽ pe marandu porã hetave ñande rapichápe oikuaaséva Ñandejárape (Mat. 10:11).