Mbaʼépa jahecháta ñande día espesiál de asambléape
Pe día espesiál de asambléa 2008-pe g̃uarã héra ‘Ñande ningo pe ñaiʼũ ha Jehová pe kambuchi Apoha’ (Isa. 64:7; [64:8, NM]). Umi mbaʼe ñanemboʼétava Ñandejára Ñeʼẽgui ñanepytyvõta jaikuaave ha ñamombaʼeve hag̃ua Jehová arandu, hekojoja, ipuʼaka ha imborayhu.
Pe diskúrso omeʼẽtava superintendénte de sirkuíto “Jajoguákena ‘umi mbaʼyru iporãvape’ predikasionrã”, omombeʼutahína ára ha ára hetaveha umi tapicha oguatáva Ñandejára rapére ha oipytyvõva hapichápe. Ha pe diskúrso héravape “Jajepyʼamongetáramo jajeíta heta mbaʼe vaígui”, ohechaukáta mbaʼéichapa jajepyʼamongetáramo Ñandejára Ñeʼẽre ñanepytyvõta ñamboyke hag̃ua heta mbaʼe vai. Pe diskursánte oútava Betélgui katu omeʼẽta koʼã diskúrso: “Ñande ndajaikói ‘ko múndope ojeikoháicha’” ha “Jaheja Jehová, pe kambuchi Apoha, tohechauka ñandéve mbaʼéichapa jaikovaʼerã”. Tuvakuéra, mitãrusu ha mitãkuñanguérape omokyreʼỹetereíta koʼã diskúrso: “Mitãrusu ha mitãkuña ombaʼapo kyreʼỹva Jehovápe g̃uarã” ha “Mbaʼéichapa tuvakuéra oipytyvõvaʼerã ifamíliape”. Umi demostrasión ha entrevísta ohechaukáta ñandéve umi mbaʼe porã ojapóva puvlikadorkuéra predikasiónpe. Umi ojevautisaséva ohechauka hag̃ua oñemeʼẽmahague Jehovápe, ikatu vovéntema oñeʼẽvaʼerã pe superintendénte presidénte kongregasionpegua ndive. Aníkena ñanderesarái jaraha hag̃ua ñande rrevísta Ñemañaha oñehesaʼỹijótava upe semánape.
Jehová, pe oñembojojáva kambuchi Apoháre katuete ojapóta haʼe oipotáva. Péro ñandéma jadesidivaʼerã ñañemoĩtapa ipoguýpe. Umi ojapóva Jehová heʼíva ha ohejáva ohekomboʼe chupe, ojogua pe ñaiʼũ oñemoĩvape tórno ári ha ojejapo chugui peteĩ mbaʼyru iporã ha ojeporuséva. Jajepytasóramo Jehová ykére jahechaukáta haʼe añoite ñanesãmbyhyvaʼerãha ha jahupytýta hetaiterei mbaʼe porã.