Aty guasu un diagua 2010
1. a) Mbaʼe mbaʼe rehépa oñeñeʼẽma umi aty guasu un diagua ohasavaʼekuépe? b) Mbaʼéichapa nepytyvõ predikasionrã umi aty guasu un diagua ohasavaʼekue?
1 Hetaite mbaʼe porãma ñahendu ñande aty guasu un diaguápe. Pór ehémplo, ojehechaukáma ñandéve mbaʼéichapa ikatu ‘Jaiporavo meme pe iporãva’, ‘Jasegi Jesucrístope’, ‘Ñamyerakuã pe marandu porã’ ha ‘Ñañemoĩ Jehová, pe kambuchi apoha poguýpe’ (Fili. 1:9, 10, 27; Juan 18:37; Isa. 64:8). Katuete ningo koʼã mbaʼe ñanemombareténeraʼe, ha hiʼãite ko aty guasu un diagua, ojejapótava 2010-pe ñanemombarete ha ñanemokyreʼỹ avei. Oñeguenohẽ 1 Corintios 7:29-gui, ha oñemyesakãta mbaʼérepa ñane tiempoʼipaitéma. Ajépa ñaimesetereíma upépe!
2. Mbaʼépa ñanepytyvõta ñahaʼarõ hag̃ua kyreʼỹme ñande aty guasu?
2 Ág̃a kongregasiónpe ojeʼe vove arakaʼépa ojejapóta ñande aty guasu ñahaʼarõ kyreʼỹmavaʼerã ñande rogayguakuéra ndive. Pór ehémplo tuvakuéra ikatu omoĩ kalendáriore arakaʼépa oikóta ñande aty guasu. Térã ohai peteĩ kuatiápe mbaʼe mbaʼépa oikotevẽta hikuái oĩ hag̃ua upépe ỹro oporandu meme umi mitãme mboýpa ofalta og̃uahẽ hag̃ua upe día. Avei ikatu ohesaʼỹijo umi mbaʼe porã ohenduvaʼekue umi aty guasúpe ijaty jave ostudia hag̃ua hogayguakuérandi. Iporãta ave jahecháramo lívro Benefíciese páhina 13 guive 16 peve ikatu hag̃uáicha jajapysaka porã umi mbaʼe ojeʼétavare (Luc. 8:18).
3. Mbaʼéichapa ñanepytyvõvéta umi mbaʼe ojeʼéva ñande aty guasúpe?
3 Ani la ñahendúnte. Oñemohuʼã rire ñande aty guasu ñahendu jepi ojeʼe: “Igustoite piko ko aty guasu!” térã, “Hetaite mbaʼe porã ningo ñahendu!”. Añetehápe enterovépe ñanemokyreʼỹ umi mbaʼe porãita ojeʼéva upépe (Pro. 10:22). Péro, mbaʼéichapa ikatu ñanepytyvõ umi mbaʼe ojeʼétava ñande aty guasu 2010-pe? Jajapysaka porã ha jajepyʼamongeta meme vaʼerã umi ñemboʼepýre, ikatu hag̃uáicha opoko ñanderehe ha ñanemomýi ñane rembiapo porã hag̃ua (Luc. 8:15). Avei opa rire ñande aty guasu ñañemongetakuaa ñane família ỹrõ umi ñanemoirũva ndive umi mbaʼe ñandegustavaʼekuére. Péicha katuete ñanepytyvõvéta umi mbaʼe ñahendúva (Sant. 1:25).
4. Mbaʼérepa ideprovéchota ñandéve ñande aty guasu un diagua 2010?
4 Ajépa ñañeñandu porãiterei oñemeʼẽ jave ñandéve peteĩ jopói, ha koʼýte ifaltave jave! Upéicha avei, Jehová ipojerágui omeʼẽta ñandéve pe aty guasu un diagua 2010. Katuete ideprovéchota ñandéve, avei ñanemokyreʼỹ ha ñanembokatupyryvéta jajapo porã hag̃ua ñane rembiapo (2 Tim. 4:2; Sant. 1:17).