Prográma día espesiál de asambléape g̃uarã

Día espesiál de asambléa 2009-pe g̃uarã héra ‘Emaʼẽkena rejapopa porã hag̃ua ne rembiaporã oñemeʼẽvaʼekue ndéve’, oñeguenohẽva Colosenses 4:17-gui, BNP. Opavave kristiáno ñaneñeʼẽrendu ko téysto heʼívape jajapo porãségui ñane rembiapo Jesús ojapo haguéicha (Juan 17:4). Apóstol Pablo oñehaʼãvaʼekue ojapo porã hembiapo oñemeʼẽvaʼekue chupe ha upéicha omoĩ avei ehémplo ñandéve g̃uarã (Hech. 20:24).

Pe superintendénte de sirkuíto omombeʼúta mbaʼépa ombohovái ñane ermanokuéra opredika ha omboʼe hag̃ua la Biblia hapichakuérape. Upe rire pe diskúrso “Ñañangarekókena pe semílla ñañotỹvaʼekuére”, ohechaukáta ñandéve mbaʼéichapa ñaipytyvõ porãvéta umi ‘ohupytysévape pe jeikove opaveʼỹva’ (Hech. 13:48). Pe diskursánte ohótava Betélgui ohesaʼỹijóta káda versíkulo pe 2 Corintios 6:1-10, ha kaʼaru katu omeʼẽta peteĩ diskúrso hérava: “Ñamombaʼékena ñane predikasión”. Iporãiterei avei hína umi diskúrso hérava “Umi kakuaa ha pyahukuéra ovyʼa omombeʼúvo pe marandu porã” ha “Mitãrusu ha mitãkuñanguéra ojapo porãva hembiapo”. Oiméramo rejevautisaséma pe día espesiál térã asambléa de sirkuítope, reñeʼẽmavaʼerã superintendénte presidénte ndive. Ñande aty guasuhápe katuete oñehesaʼỹijo Ñemañaha, upévare erahákena nde rrevísta oñehesaʼỹijótava upe semánape.

Ñañangareko jajapo porã hag̃ua ñane rembiapo. Upéva heʼisehína ñañatendevaʼerãha ani hag̃ua mbaʼeve ombotapykue ñandehegui pe tembiapo Jehová omeʼẽvaʼekue ñandéve. Pe prográma día espesiál de asambléape g̃uarã ñanemombaretéta ani hag̃ua jajavy ñande rape. Ñanepytyvõta avei jajepyʼamongeta hag̃ua mbaʼéichapa jajapoñaína ñane rembiapo ha upéicha jajapo porãve hag̃ua.