Ñasẽta ñainvita ñande rapichakuérape ostudia hag̃ua la Biblia
1 Enero guive oñemboykéta peteĩ fín de semána káda més, tahaʼe sábado térã domingo ñainvita hag̃ua ñande rapichakuérape ostudia hag̃ua la Biblia. Ikatu ojejapo pe primer fín de semána térã opyta porãveháicha ermanokuérape. Pe óga jára ndostudiaséiramo jepe, ikatu ñaikuaveʼẽ chupe pe lívro Mbaʼépa omboʼe la Biblia? térã umi rrevísta ipyahuvéva. Umi ansiáno ha siérvo ministeriál oñehaʼãvaʼerã osẽ ojejapo jave ko invitasión. Ha oipytyvõvaʼerã ermanokuérape omoñepyrũ hag̃ua peteĩ estúdio vívliko.
2 Pe Comité de Servicio de la Congregación ohecháta mbaʼe fín de semánapa oñeséta oñeinvita hentekuérape ostudia hag̃ua la Biblia. Rreunionhápe oñemomanduʼáta jepi ermanokuérape ikatu hag̃uáicha ojeprepara hikuái. Ha upéicha oñehaʼãmbaite hag̃ua omoñepyrũ peteĩ estúdio vívliko opredika jave ogaha rupi ha oho jeývo ovisita umi oikuaasevévape.
3 Mbaʼéichapa ikatu jajeprepara. Ikatu jahecha pe supleménto osẽvaʼekue Ñane Rembiapo Rréino Rehegua enero 2006-pe térã jaiporu lívro Razonamiento páhina 11 ha 12. Ikatu avei japrepara peteĩ tratádo ñapresenta hag̃ua, pór ehémplo pe tratádo Ndépa reñeporandúmava koʼã mbaʼe? Avei jahechakuaa Ñane Rembiapo Rréino Rehegua septiembre 2007, páhina 3, ohechaukahápe mbaʼépa ikatu jajapo ñañepyrũ hag̃ua jastudia la Biblia umi ñande rrevísta ohejavaʼekue ndive. Umi ansiáno ha siérvo ministeriál ojopyruvaʼerã omoakã hag̃ua upe aty osẽtava opredika. Upearã ikatu oiporu diez térã quince minúto heʼi hag̃ua mbaʼépa ikatu ojeʼe pe óga járape térã ojehechauka voi mbaʼéichapa ikatu ñamoñepyrũ peteĩ estúdio vívliko.
4 Ani ñaimoʼã enterovéva ostudiataha ñanendive la Biblia ha umi oñepyrũvaʼekue ostudia osegitaha. Péro ndajahejaivaʼerã upéva ñanemokangy, Jehová niko ohecha mávapa ipyʼaporã oservi hag̃ua chupe (Juan 6:44). Jaikuaa porã ñañotỹramo peteĩ semílla, jarrega ha ñañangarekovaʼerãha hese okakuaa hag̃ua. Upéicha avei, ñaipytyvõ hag̃ua ñande rapichápe ndahaʼéi japredikantevaʼerã, avei jastudiavaʼerã la Biblia hendivekuéra. Ñanemanduʼákena jajapóramo upéicha ‘ñamoirũha Ñandejárape hembiapópe’. Upéva ningo tuichaiterei mbaʼe! (1 Cor. 3:9, BNP.)