Ñañangarekókena umi mbaʼe ñapensávare

1. ¿Mbaʼéichapa héra pe aty guasu dos diagua ojejapótava áño 2013-pe, ha mbaʼépepa ñanepytyvõta?

¹ Jesús heʼivaʼekue hemimboʼekuérape: “Rehayhuvaʼerã Jehová nde Járape nde pyʼaite guive, ne ánga rugua guive, ha opa ne arandukue reheve” (Mat. 22:37, 38, NM). Ko áñope jarekóta pe aty guasu tres diagua hérava “Ñañangarekókena ñande pyʼapýre”. Áño 2013-pe katu ojejapóta pe aty guasu un diagua hérava “Ñañangarekókena ñane konsiénsiare”. Ha pe aty guasu dos diagua hérava “Ñañangarekókena umi mbaʼe ñapensávare”, oñeguenohẽva Mateo 22:37-gui. Koʼã mbohapy aty guasu ojeprepara ñamombarete hag̃ua umi mbaʼe porã jarekóva ñande pyʼapýpe. Hiʼãite pe aty guasu dos diagua ñanepytyvõ jahechakuaa hag̃ua tekotevẽpa ñakambia ñapensa lája Jehová ñandeguerohory hag̃ua.

2. ¿Mbaʼe mbaʼépa oñembohováita pe aty guasúpe?

² Mbaʼépa oñehesaʼỹijóta. Iporãta ñanemanduʼáramo umi párte iñimportantevévare opa rire pe aty guasu dos diagua. Upearã ñaanotavaʼerã mbaʼéichapa oñembohovái koʼã porandu:

• ¿Mbaʼépa jajapokuaa pono ova ñanderehe yvyporakuéra opensa lája?

• ¿Mbaʼéichapa ikatu ñaipytyvõ ñande rapichakuérape anivéma hag̃ua oiko pytũmbýpe?

• ¿Mbaʼéichapa ñapensavaʼerã ñande kristianokuéra?

• ¿Mbaʼe mbaʼépa jahupytýta jajepyʼamongeta porãramo?

• ¿Mbaʼéichapa ikatu jaheja Jehovápe omoldea umi mbaʼe ñapensáva?

• ¿Mbaʼépa ojapokuaa ména, tembireko, taʼýra, tajýra ha tuvakuéra ojevyʼa hag̃ua ogapýpe?

• ¿Mbaʼéichapa jahechauka jajepreparamaha ñahaʼarõvo Jehová ára guasu?

• ¿Mbaʼéichapa ikatu jajeprepara jajapo hag̃ua Jehová rembipota?

• ¿Mbaʼépa ohupyty umi ojapóva opa mbaʼe oaprendéva?

3. ¿Mbaʼérepa iñimportánte jaha umi dos día ko aty guasúpe? ¿Mbaʼérepa ñañatendevaʼerã umi mbaʼe ojeʼévare ha jajapo umi konsého oñemeʼẽva upépe?

³ Satanás ojapo hína opa ikatúva omoinge hag̃ua mbaʼe vai ñane akãme, upévare tekotevẽ ñañatende porã ha ñañangareko umi mbaʼe ñapensávare (2 Cor. 11:3). Avei ñamboykevaʼerã umi mbaʼe oikuaveʼẽva ko múndo ha ñapensa Jesucristo opensaháicha (1 Cor. 2:16). Ñañehaʼãmbaitékena ñaime hag̃ua umi dos día ko aty guasúpe ha ñañatende porã umi mbaʼe ojeʼévare. Ha jajapóramo umi konsého oñemeʼẽtava upépe, ñanepytyvõta ñañangareko hag̃ua ñapensávare ha ñambaʼapo kyreʼỹ hag̃ua Ñandejára servísiope (1 Ped. 1:13).