Ñandejára Ñeʼẽ ipoderosoiterei
1. ¿Mbaʼéichapa héra ñande aty guasu un diagua ojejapótava áño 2014-pe?
1 Umi mbaʼe oúva yvyporakuéra imperféktogui ndorekói podér la Biblia orekoháicha. ¿Mbaʼérepa jaʼe upéva? La Biblia añoite ikatu rupi okambia ñande rekove, umi mbaʼe ñapensáva ha ñanepytyvõgui jajapo hag̃ua opa mbaʼe Ñandejára oipotahaichaite. Péro, ¿mbaʼeichaite peve piko ipoderóso Ñandejára Ñeʼẽ? ¿Mbaʼéichapa ikatu jaaprovecha porã pe podér orekóva la Biblia? ¿Mbaʼéichapa ikatu jaiporu porãve ñaipytyvõ hag̃ua ñande rapichakuérape? Koʼã porandu oñembohováita ñande aty guasu un diaguápe, ojejapótava áño de servísio 2014-pe. Ko aty ñanemokyreʼỹetereítava héra: “Ñandejára Ñeʼẽ ipoderosoiterei” ha omopyenda Hebreos 4:12.
2. ¿Mbaʼe porandúpa oñembohováita ñande aty guasúpe?
2 Umi porandu oñembohováitava ñande aty guasúpe. Ñahendu aja umi diskúrso, ñaanota vaʼerã mbaʼéichapa oñembohovái koʼã porandu.
• ¿Mbaʼérepa jajerovia vaʼerã Ñandejára Ñeʼẽre? (Sal. 29:4.)
• ¿Mbaʼéichapa ikatu jahecha umi mbaʼe jahasávare ñande rekovépe Ñandejára Ñeʼẽ orekoha podér? (Sal. 34:8.)
• ¿Mbaʼéichapa ikatu jaiporu porãve pe podér orekóva Ñandejára Ñeʼẽ predikasiónpe? (2 Tim. 3:16, 17.)
• ¿Mbaʼépa jajapo vaʼerã ani hag̃ua Satanás múndo ñanembotavy? (1 Juan 5:19.)
• Mitãrusukuéra, ¿mbaʼépa penepytyvõta opa mbaʼe osẽ porã hag̃ua peẽme Jehová servísiope? (Jer. 17:7.)
• ¿Mbaʼépa ñanemombaretéta ñañandúramo jepe ñanekangyha? (2 Cor. 12:10.)
• ¿Mbaʼépa ñanepytyvõta jasegi hag̃ua ñakambia ñandejokoséramo jepe umi mbaʼe jajepokuaáva jajapo ha umi lája vai jarekóva? (Efes. 4:23.)
3. ¿Mbaʼéichapa ikatu ñañevenefisia avei ñande aty guasu un diaguápe?
3 Tuichaiterei ningo ñanepytyvõta ñahendúramo umi diskúrso ojepreparáva ñande aty guasurã. Ikatúta avei jaikuaa heta ermáno oĩva ótra kongregasiónpe ha jahasa porã hendivekuéra, oikoháicha jepi voi umi ñande aty guasu dos diagua ha tres diaguápe (Sal. 133:1-3; 2 Cor. 6:11-13). Upéicharõ, ñañemotiémpokena ñañemongeta hag̃ua ñane amigokuérandi ha jaikuaa hag̃ua avei ótro ermánope. Ha oñemboúramo peteĩ diskursánte Betélgui térã pe superintendénte de distrítope, jaaprovechákena avei ñanderory ha jasaluda hag̃ua pe ermáno ha hembirekópe. Péicha jahecha heta mbaʼére ikatuha ñahaʼarõma hína ñande aty guasu un diagua.