‘Hiʼupy hiʼoraitépe’
1. Mbaʼéichapa nepytyvõ pe último aty guasu un diagua? Mbaʼéichapa oipytyvõ ambue ermánope?
1 Oiméne opa rire ñande aty guasu un diagua jaʼe jepi: “Aikotevẽve jave ahendu koʼã mbaʼe”. Peteĩ superintendénte omombeʼu pe aty guasu un diagua omokyreʼỹ hague heta ermánope opredikave hag̃ua. Ambue superintendénte heʼi avei: “Orepytyvõ hesakãve hag̃ua oréve mbaʼe tiémpopepa jaiko ha rojepyʼamongeta hag̃ua mbaʼéichapa roiporu ore rekove”. Ótro katu heʼi: “Heta ermáno ohechakuaa omotenondevaʼerãha predikasión opa mbaʼe ári, upéva iñimportanteve rupi”. Ndévepa nepytyvõ avei pe último aty guasu un diagua?
2. Mbaʼe mbaʼe rehépa oñeñeʼẽta ñande aty guasu un diaguápe?
2 Ñande aty guasu un diagua ojejapótava áño 2011-pe ikatu ñambojoja hiʼupýre, oñemeʼẽtava ñandéve hiʼoraitépe. Omopyenda Salmo 118:8, 9 ha umi diskúrso ohechaukáta ñandéve Jehová ñanemombareteha jahasa asy jave. Avei mbaʼépa jajapokuaa ñande rapichakuéra oñemoag̃ui hag̃ua Jehováre ha mbaʼéichapa ikatu ñahaʼanga Chupe ñaipytyvõ vove ótrope ohasa asy jave. Jahecháta mbaʼéichapa umi imitãva ohechauka ojeroviaha Jehováre, ha mbaʼéichapa Haʼe ñanemoʼã omombaretévo ñande jerovia ha jaikóvo pyʼaguapýpe hendive.
3. Mbaʼéichapa ikatu jaaprovechapaite ñande aty guasu un diagua?
3 Eaprovechákena. Reikuaáre arakaʼépa ojejapóta pe aty guasu un diagua rehechamavaʼerã mbaʼépa rejapóta reime hag̃ua upépe ha einvita ne estudiantekuérape. Nemanduʼákena la Biblia heʼiha umi ojapysaka porã ha ojepyʼamongetáva umi mbaʼe ojeʼévare ‘hiʼa porãha ohasa asýramo jepe’ (Luc. 8:15, NM). Upévare eñatende porãkena ha eanota umi mbaʼe iñimportantevéva, umi konsého nepytyvõtava nde rekovépe ha avei predikasiónpe. Opa rire pe aty guasu emboyke tiémpo reñemongeta hag̃ua nde rogayguándi umi mbaʼe ojeʼevaʼekuére, ha pehecha mbaʼéichapa ikatu pejapo peaprendevaʼekue.
4. Mbaʼérepa ñahaʼarõjoaitéma ñande aty guasu un diagua?
4 Ñande aty guasu un diagua ojeprepara mborayhúpe ñanepytyvõ hag̃ua, ojepreparaháicha peteĩ tembiʼu he ha ideprovéchotava ñandéve. Jehová tapenderovasa pejapo haguére ikatúva guive peaprovecha hag̃ua koʼã hiʼupy oñemeʼẽva hiʼoraitépe ñanepytyvõtava ñamyerakuã hag̃ua pe marandu porã (Mat. 24:45).