Japredikákena opárupi

1. Emombeʼu peteĩ ehémplo ohechaukáva ikatuha jahupyty heta mbaʼe porã japredikáramo opárupi.

¹ Japredikáramo opárupi ikatu jahupyty heta mbaʼe porã. La Bíbliape jatopa hetaiterei ehémplo ohechaukáva upéva (Juan 4:​7-15) Mbaʼéichapa ikatu ñañembosakoʼi jajapo hag̃ua hekopete ko tembiapo?

2. Ikatúpa jaʼe ñanepínta iñimportanteha japredika hag̃ua?

² Ñanepínta. Ñañemonde porã ha ñañatendéramo ñanepíntare nañatĩmoʼãi asy japredika hag̃ua, ajépa? Péro ani voi ñandekachafaʼi mbaʼe, péicha jave katu ñatĩ lénto ñamyerakuã hag̃ua pe marandu porã (1 Tim. 2:​9, 10). Ñañemondéramo hekopete umi hénte omañajoa ñanderehe ha oñeporandu voi mbaʼéicha rupípa ñande upéicha. Upéva oikovaʼekue peteĩ ermáno oviahárõ guare hembirekóndi. Ijykerekuéra oguapy peteĩ musulmán ha ombokuriosoiterei chupe oñemonde lája hikuái. Noñeaguantavéi ha oporandu chupekuéra kristiánopa. Umi ermáno oaprovecha ha opyta oñemongeta hikuái tres óra pukukue.

3. Ndépa reñepyrũma reñemongeta nde rapichándi Jesús ojapo haguéicha?

³ Mbaʼéichapa ñañepyrũkuaa ñañemongeta. Jesús oñeʼẽ mbykymi vaʼekue ambue mbaʼére oñepyrũ mboyve opredika hapichakuérape. Pór ehémplo oñeʼẽ mboyve peteĩ kuña Samariaygua ndive póso de Jacob rembeʼýpe heʼi chupe: “Emeʼẽmona chéve nde ymi”. Ñande avei ñañepyrũ mboyve japredika ñande rapichápe iporãta ñañeʼẽ mbykymi térã ñaporandúramo chupe ambue mbaʼe. Ha jepeve ijetuʼu lénto jajapo hag̃ua upéva, jajeroviavaʼerã Jehová ‘ñanembopyʼaguasutaha’ ñañepyrũ hag̃ua ñañemongeta umi héntendi (1 Tes. 2:2).

4. Mbaʼéichapa ñañembosakoʼivaʼerã japredika hag̃ua opárupi?

⁴ Ñambohapevaʼerã. Heta maranduhára térã puvlikadór oñehaʼã opredika opáicha rei, ijahápe chupekuéra. Upévare iporãta ñañeporandumi: “Mbaʼéichapa che ikatu avei ajapo upéva?” Ekalkula raẽ vaʼerã mbaʼeichagua héntepa ikatu retopa upe reikoha rupi. Avei ndofaltaivaʼerã ndéve lívro ni rrevísta térã ambue puvlikasión, ha nde volsíllopente voi reguerekovaʼerã peteĩ Bibliaʼi. Eñatende porãkena nde jerére ha emombaʼe umi hénte opensáva. Upéicha nderembohasareimoʼãi asy ni peteĩ oportunida ha ikatúta remoherakuã pe marandu porã hekoitépe (Fili. 1:​12-14; 1 Ped. 3:15).

5. Mbaʼérepa iñimportanteterei japredika opárupi?

⁵ Ñande ningo japredikavaʼerã opárupi ha ijahápe ñandéve jahayhúgui Ñandejárape ha avei ñande rapichakuérape (Mat. 22:​37-39). Saʼipaitéma ningo ñane tiémpo ha ndaikatúi japeskaʼínte peichahágui oñepresentárõ g̃uarã peteĩ oportunida, ñande voi ñasẽvaʼerã jaheka. Iñimportanteterei ningo ko tembiapo, upévare ñañembosakoʼi porã vaʼerã ha ñamyerakuã pe marandu porã opárupi (Rom. 10:​13, 14; 2 Tim. 4:2).