Mbaʼéichapa ikatu ñaikuaveʼẽ ñande rrevistakuéra

Ñemañaha Abril-Junio

“Oĩ heta eskritór heʼíva Jesús nomanói hague heʼiháicha la Biblia, upéva rangue omenda ha ifamília hague. Ndépa rehendúmava ojeʼérõ koʼã mbaʼe? [Ehaʼarõ tombohovái.] Iñimportánte ningo jaikuaa mbaʼépa añetehápe oikovaʼekue, mbaʼérepa? [Elee Juan 17:3.] Ko rrevísta ohechauka mbaʼérepa ikatu jaguerovia la Biblia heʼíva Jesúsre.” Ehechauka chupe pe artíkulo oĩva páhina 26-pe.

¡Despertad! Junio

“Katuete ñahendu jepi umi tupaópe ojepagavaʼerãha oñemongarai hag̃ua umi mitã, oñemenda hag̃ua térã omanóvare. Mbaʼéichapa nde rehecha umíva? [Ehaʼarõ tombohovái.] Jaleemína ikatúramo Jesús heʼivaʼekue hemimboʼekuérape [elee Mateo 10:7, 8b]. Heʼípa la Biblia ojekovravaʼerãha koʼã mbaʼére? Ko rrevísta omyesakãve upéva.” Ehechauka chupe pe artíkulo oĩva páhina 22-pe.

Ñemañaha Julio-Septiembre

“Heta ningo oĩ oimoʼãva ohotaha yvágape omano rire. Ndépa rehose avei upépe remano rire? [Ehaʼarõ tombohovái.] Ahechaukasemi ndéve ikatúramo mbaʼépa heʼi Ñandajára Ñeʼẽ ohaʼarõha umi hekopotĩvape [elee Salmo 37:29]. Ko rrevísta omyesakã porãve máva mávapa ohóta yvágape ha avei mbaʼépa ojapóta hikuái upépe.”

¡Despertad! Julio

“Koʼág̃a rupi ningo ivaieterei la pórte ha inerviosopa umi hénte. Umi ndaitraváhoiva ojepyʼapyeterei, ha umi ombaʼapóva katu okyhyje opytárõ g̃uarã po nandi. Ndépa mbaʼe ere, ñanepytyvõnepa heʼíva ko téysto? [Elee Mateo 6:34 ha ehaʼarõ tombohovái.] Ko rrevísta omeʼẽ konsého ikatúva ñanepytyvõ jaiporukuaa hag̃ua ñande pláta ha ani hag̃ua jajepyʼapyeterei.”