Mbaʼéichapa ikatu ñaikuaveʼẽ ñande folléto pyahu
1. Mbaʼépa ñaikuaveʼẽta noviémbrepe, ha mbaʼéichapa oipytyvõta umi héntepe?
1 Oiméne penemanduʼa pe Aty Guasu Tres Diagua 2009-pe, hérava “Peñatende porãke!”, oñepresenta hague peteĩ folléto pyahu: La Biblia, mbaʼépa oikuaauka ñandéve? Noviémbrepe ñaikuaveʼẽta ko folléto oparupiete. Mbaʼéichapa oipytyvõta umi héntepe? Heta tapicha, koʼýte umi ndojeroviáiva Jesús rehe, saʼi oikuaa la Bíbliagui. Heʼiháicha pe folléto páhina 3-pe, ko informasión katuete oipytyvõta chupekuéra oñepyrũ hag̃ua oikuaa mbaʼépa omboʼe la Biblia.
2. Mbaʼéichapa ikatu ñaikuaveʼẽ ko folléto?
2 Mbaʼéichapa ñaikuaveʼẽkuaa. Ikatu jaʼe: “Aikuaase ningo mbaʼépa nde repensa ko téystore [elee 2 Timoteo 3:16]. Heta hénte ojerovia koʼápe heʼívare, ótro katu oguerohorýnte la Biblia péro nomombaʼéi oĩva ipype. Ndépa mbaʼe repensa? [Ehaʼarõ tombohovái.] Tahaʼe haʼéva umi mbaʼe jagueroviáva, iñimportanteterei ñahesaʼỹijo la Biblia heʼíva [elee pe párrafo omoñepyrũva páhina 3]. Releévo rehóvo ko folléto rehechakuaáta la Biblia oikuaaukáva ha itéma peteĩnteha”.
3. Mbaʼéichapa ikatu ñaikuaveʼẽ ko folléto ñande territóriope oĩramo heta ndojeroviáiva Jesús rehe?
3 Oiméramo ñande territóriope oĩ heta ndojeroviáiva Jesús rehe, ikatu jaʼe: “Roikuaase ningo mbaʼépa nde repensa ko promésare [elee Salmo 37:11]. Mbaʼéichapa opytáta ko yvy oñekumpli vove ko profesía? [Ehaʼarõ tombohovái.] Ko téysto jaleéva ohechauka mbaʼéichapa la Biblia ombopyʼaguapy ha omeʼẽ esperánsa opaichagua tapichápe”. Elee pe párrafo oĩva páhina 3 ñepyrũme, ha eikuaveʼẽ pe folléto.
4. Mbaʼéichapa ikatu jaiporu ko folléto ñamoñepyrũ hag̃ua peteĩ estúdio?
4 Mbaʼéichapa ñamoñepyrũkuaa peteĩ estúdio. Jaha jeývo javisita upe ñanerendu porã vaʼekuépe, ikatu ñamomanduʼa chupe mbaʼe rehépa ñañemongetáraʼe. Ha ñahesaʼỹijo hendive peteĩ térã mokõi párrafo oñeʼẽvéva upe témare ha jaiporu umi porandu oĩva opakuévo pe seksión. Térã ñapresentaséramo lívro Mbaʼépa omboʼe la Biblia?, upepete voi ikatu jalee pe última páhina oĩva ko follétope ha ñameʼẽ chupe pe lívro. Ñaporandu mbaʼe kapítulopa ogustave chupe ha ñahesaʼỹijo peteĩ térã mokõi párrafo. Upéicharõ, jajapókena opa ikatúva ñaikuaveʼẽ hag̃ua ko folléto noviémbrepe!