Reiporu meme hag̃ua
Reiporupareína koʼã folléto?
La Biblia—Mbaʼépa oikuaauka ñandéve?
Ojejapo umi ndoikuaaguasúivape g̃uarã la Biblia, koʼýte umi oĩvape g̃uarã peteĩ rrelihión ndahaʼéivape kristiána
Mbaʼéichapa reikuaaveʼẽkuaa. “Roikuaase mbaʼépa repensa koʼápe heʼívare (térã, ko lívro marangatu heʼívare) [elee Salmo 37:11, oñeñeʼẽha pe follétope bm párte 11-pe]. Ndépa mbaʼe repensa, mbaʼéichapa jaikóne ko yvy ape ári oñekumpli vove ko profesía? [Ehaʼarõ tombohovái.] Ko jaleéva ningo ohechauka ñandéve mbaʼéichapa la Biblia ikatu ñanekonsola ha omeʼẽ esperánsa opavave tapichápe, tahaʼe haʼéva umi mbaʼe ogueroviáva.” Elee párrafo uno oĩva páhina 3-pe, ha eikuaveʼẽ chupe pe folléto.
Ikatúva rejapo. Oiméramo reiporu pe lívro Mbaʼépa omboʼe la Biblia? rembostudia hag̃ua peteĩ tapicha ndahaʼéivape kristiáno, iporãta remboykéramo tiémpo reñepyrũ térã remohuʼãvo káda estúdio rehesaʼỹijo hag̃ua hendive peteĩ párte ko follétogui, péicha oikuaavéta ohóvo umi mbaʼe oĩva la Bíbliape.
Ikatu oiko ñandehegui Ñandejára amigo
Ojejapo umi ijestudioʼi térã ndoleekuaáivape g̃uarã
Mbaʼéichapa reikuaveʼẽkuaa. “Ndépa mbaʼe repensa, ikatúnepa oiko ñandehegui Ñandejára amígo? [Ehaʼarõ tombohovái, ha upéi elee Santiago 2:23.] Ko folléto ikatu nepytyvõ reiko hag̃ua Ñandejára amígoramo, ojapo haguéicha Abrahán.”
Ikatúva rejapo. Reñemongeta ypývo nde rapichándi, térã reho jeývape revisita chupe, elee hendive pe leksión 1 (térã michĩmi upévagui) ehechauka hag̃ua chupe mbaʼéichapa ojejapo peteĩ estúdio vívliko.
Omano vove peteĩ jahayhúva
Ojejapo umi orekóvape g̃uarã peteĩ ohayhúva omanovaʼekue térã umi oipytyvõsévape umi ohasávape ko situasión
Mbaʼéichapa reikuaveʼẽkuaa. “Katuete ningo omanóma ndehegui peteĩ rehayhúva, térã reikuaa ikatuha hína oiko upéva tenondeve. Mbaʼépa ikatu rejapo rembohovái hag̃ua upe mbaʼe ijetuʼuetéva? [Elee 2 Corintios 1:2.] Ndépa mbaʼe repensa, ikatúnepa Ñandejára ñanekonsola péicha jave? [Ehaʼarõ tombohovái, ehechauka chupe pe folléto ha elee páhina 19 párrafo 1.] Ndépa reikuaa Ñandejára opromete hague og̃uahẽtaha peteĩ ára nomanomoʼãihápe avave?” Eikuaveʼẽ chupe pe folléto ha eporandu ikatúpa reho jey hendápe peñeʼẽve hag̃ua upe promésare.
Ikatúva rejapo. Reho jeývo revisita upe nerendu porã vaʼekuépe, eiporu pe lívro Mbaʼépa omboʼe la Biblia? kapítulo 3 rehechauka hag̃ua chupe Ñandejára omoingove jeytaha umi omanovaʼekuépe ha ambue esperánsa oĩva la Bíbliape.
Añetehápepa Ñandejára ojepyʼapy ñanderehe?
Ojejapo umi ohasa asývape g̃uarã ha opensáva Ñandejára ndojepyʼapyiha ñanderehe térã ndaiporiha voi
Mbaʼéichapa reikuaveʼẽkuaa. “Pyʼỹinte ñahendu umi hénte ojeplageárõ umi mburuvicha oisãmbyhy lájare. Haʼete voi ndajatopamoʼãiva peteĩ mburuvicha ojepyʼapy añetéva opavavére. La Biblia omombeʼu oĩha peteĩ mburuvicha ojepyʼapýva ñanderehe, tahechaukamína ndéve [elee Salmo 72:12-14 ha pe folléto dg kapítulo 8, párrafo 9]. Péro ndépa mbaʼe repensa, og̃uahẽtapa pe ára Jesucristo ñanesãmbyhytaha, térãpa jaikóta jahasa asy yvyporakuéra poguýpe opa ára g̃uarã? [Ehaʼarõ tombohovái.] Ko folléto dg kapítulo 9-pe, omombeʼu umi mbaʼe oikóva ko múndope ohechaukaha koʼẽrõitéma Jesús oisãmbyhytaha umi yvypóra rendaguépe.”
Ikatúva rejapo. Reho jeývo revisita upe nerendu porã vaʼekuépe ikatu reiporu pe lívro Mbaʼépa omboʼe la Biblia? kapítulo 8 ha 9 rehechauka hag̃ua chupe mbaʼépa hína Ñandejára Rréino ha mbaʼépa ojapóta ñande rehehápe. Ikatu avei reiporu kapítulo 1 rehechauka hag̃ua chupe Ñandejára ojepyʼapyha ñanderehe ha ohayhuha pe tekojoja.