Jaipurúkena pe folléto Notísia porã ñaporomboʼe hag̃ua
1. ¿Maʼerãpa ojejapo pe folléto Notísia porã?
1 Ñane Marandu Porã juliopegua ohechauka kuri pe folléto ¡Notísia porã oúva Ñandejáragui! ideprovechoitereiha ñamboʼe hag̃ua la Biblia umi héntepe. Ikatu hag̃uáicha umi ostudiáva ñanendive oheka la Bíbliape voi umi téxto, ko follétope ndojehaíri mbaʼépa heʼi umívape. Heta puvlikasión jarekóva ojejapo ikatu hag̃uáicha umi oleéva ontende porã ijeheguieténte, péro ko folléto ojejapo ikatu hag̃uáicha ñande ñamboʼe umi héntepe. Upévare, jaofreséta jave ko puvlikasión peteĩ persónape, jahechauka vaʼerã chupe mbaʼéichapa jajapo peteĩ estúdio vívliko, péicharõmante ohechakuaáta mbaʼeichaitépa igústo ñaaprende la Biblia omboʼéva (Mat. 13:44).
2. ¿Mbaʼéichapa ikatu jaipuru pe folléto Notísia porã predikasiónpe?
2 Mbaʼéichapa ikatu jaipuru predikasiónpe. Ikatu jaʼe: “Pyʼỹi ningo ñahendu heta notísia vai, upévare heta hénte ojepyʼapy ha oikuaase mbaʼépa oikopáta ñandehegui. ¿Ndépa ere omehoráne hag̃ua la situasión? [Ehaʼarõ tombohovái.] La Biblia omeʼẽ ñandéve esperánsa ha ko folléto ohechauka mbaʼéichapa ombohovái heta mbaʼe jaikuaaséva jepi”. Ñameʼẽ chupe pe folléto ha jajerure chupe toiporavo peteĩ porandu oĩva pe última páhinape. Upéi jahechauka chupe mbaʼéichapa jajapo estúdio vívliko, upearã ikatu jaipuru pe primer párrafo ombohováiva pe pregúnta oiporavo vaʼekue. Ikatu avei ñandete voi jaiporavo peteĩ pregúnta ha upéi jahechauka chupe mbaʼéichapa ko folléto ñanepytyvõ ñambohovái hag̃ua upéva. Oĩ puvlikadór oiporavóva peteĩ leksión opresenta hag̃ua ha upéi oheka jw.org-pe upe leksión guýpepa ndaipóri peteĩ vidéo ohóva hese, ha oĩrõ, upéi ohechauka umi héntepe.
3. ¿Mbaʼéichapa jaipuru vaʼerã pe folléto Notísia porã jajapo jave estúdio vívliko?
3 Mbaʼéichapa jaipuru vaʼerã jajapo hag̃ua estúdio vívliko. 1) Jalee pe pregúnta oĩva létra hũvévape ikatu hag̃uáicha pe ostudiáva ñanendive oreko iñakãme pe idéa iñimportantevéva. 2) Jalee pe párrafo. 3) Jalee umi téxto oĩva kursívape, ha jajapo umi porandu oipytyvõtava chupe ombohovái hag̃ua la Biblia rupive pe pregúnta oĩva létra hũvévape. 4) Pe pregúnta guýpe oĩrõ mas de un párrafo, ejapo jey heʼiháicha umi suherénsia 2 ha 3. Oĩramo peteĩ vidéo ohóva pe pregúnta ñaanalisávare ñane estudiántendi, ikatu jaaprovecha pe estúdio aja jahechauka hag̃ua chupe oimérõ neʼĩra gueteri ohecha. 5) Upéi jajerure jey chupe tombohovái ñandéve pe porandu, péicha jahecháta ontendépa hína pe informasión.
4. ¿Mbaʼépa ñañehaʼã vaʼerã jajapo?
4 Ñañehaʼãkena ñañembokatupyryve jaipuru hag̃ua ko puvlikasión, ha otoka porã jave, ñapresenta umi héntepe. Ñapensa vaʼerã ñane estudiántere ha jakalkula mbaʼéichapa ikatu jaipuru umi téxto vívliko ñamorrasona hag̃ua chupe (Prov. 15:28; Hech. 17:2, 3). Amáske ñandevale jaipuru hag̃ua ko folléto, jaipurusevéta ñamboʼe hag̃ua la Biblia umi héntepe.