Rrevísta opaichagua héntepe g̃uarã
1. Mbaʼéichapa pe tembiguái jeroviaha ha iñarandúva ojapo apóstol Pablo ojapo haguéicha?
1 Apóstol Pablo omombeʼuvaʼekue pe marandu porã ikatu hag̃uáicha ontende opaichagua hénte, upéicha avei pe tembiguái jeroviaha ha iñarandúva oiporu ñande rrevistakuéra omog̃uahẽ hag̃ua pe marandu opaichagua héntepe, tahaʼe haʼéva umi mbaʼe oguerovia térã opensáva hikuái (1 Cor. 9:22, 23). Upévare jaiporu porã hag̃ua umi rrevísta Ñemañaha ha ¡Despertad! jaikuaavaʼerã mbaʼeichagua héntepe g̃uarãpa ojejapóraʼe.
2. Mbaʼeichagua héntepe g̃uarãpa ojejapo rrevísta ¡Despertad!?
2 ¡Despertad! Yma apóstol Pablo opredikavaʼekue umi ‘karaikuéra Atenasguápe’. Koʼã kuimbaʼépe noñehekomboʼeivaʼekue Ñandejára Ñeʼẽ ha nohendúiva hikuái pe marandu porã (Hech. 17:22, NM). Upéicha avei pe rrevísta ¡Despertad! ojejapo umi hénte ndoikuaáivape g̃uarã mbaʼeve Ñandejára Ñeʼẽgui, umi ndoikuaáiva mbaʼépa oguerovia kristianokuéra, ndoikuaaséiva mbaʼeveguasu rrelihióngui térã ndogueroviáiva la Biblia ikatuha ñanepytyvõ. Ko rrevísta ojejapo ohechauka hag̃ua umichagua héntepe ikatuha ojerovia la Bíbliare, avei mbaʼépepa idiferénte testigos de Jehová ambue rrelihióngui, ha iñimportanteveha katu, ohechauka Ñandejára oeysistiha.
3. Mbaʼeichagua héntepe g̃uarãpa ojejapo rrevísta Ñemañaha púvliko ha jastudia hag̃ua?
3 Ñemañaha. Apóstol Pablo opredikavaʼekue avei umi hénte ‘okyhyjévape Ñandejáragui’ (Hech. 13:14-16, NM). Upéicha avei rrevísta Ñemañaha púvliko ojejapo umi hénte ojeroviávape g̃uarã Ñandejárare ha Iñeʼẽre. Koʼãva hína umi oikuaáva mbaʼépa omboʼe la Biblia, péro nontendeporãiva mbaʼépa heʼise. Ha Ñemañaha jastudia hag̃ua katu ojejapo testígo de Jehovápe g̃uarã. Pablo oikuaavaʼekue umi oleéva ikartakuéra ontendemaha heta mbaʼe Ñandejára Ñeʼẽgui ha oikuaa porãha pe añetegua (1 Cor. 1:1, 2). Upéicha avei umi artíkulo jastudiáva jepi ojejapo ontende hag̃uáicha umi oho meméva rreunionhápe, upévare oñemoĩ pype umi ñeʼẽ oiporúva voi testigokuéra.
4. Mbaʼérepa tekotevẽ jalee ha jaikuaa porã mbaʼépa heʼi umi rrevísta jaiporúva predikasiónpe?
4 Ñaikuaveʼẽramo jepe oñondive umi mokõi rrevísta predikasiónpe, peteĩvarente ñañeʼẽ jepi. Upévare iporãta jalee ha jaikuaáramo heʼíva káda rrevístape. Upéicharõ añoite ikatúta ñañeʼẽve umi mbaʼe ogustátavare ñande rapichakuérape.