Eikuaveʼẽ peteĩ rrevísta itujamiéva térã folléto
Umi més ñaikuaveʼẽhápe lívro Mbaʼépa omboʼe la Biblia? ojeʼe ñandéve ñamoñepyrũ hag̃ua estúdio vívliko ñañemongeta ypy guive pe ogajárandi. Péro umi oguerekómavape voi ko lívro ha ndostudiaséivape, ñaikuaveʼẽkuaa peteĩ rrevísta itujamiéva térã folléto. Mbaʼérepa?
Umi folléto ha rrevísta itujamiéva oñeʼẽ heta mbaʼe ogustatávare umi ogajárape. Upévare aníkena nderesarái remoĩ hag̃ua umíva nde kartérape rejeprepara jave predikasionrã. Ha ndereguerekóiramo umi rrevísta itujamiéva, rejerurekuaa kongregasiónpe. Reñemongetáramo peteĩ ogajára oguerekómavandi voi lívro Mbaʼépa omboʼe la Biblia? ha ndostudiaséiva, rehechaukakuaa chupe umi folléto térã rrevísta itujamiéva ikatu hag̃uáicha oiporavo peteĩ ogustavéva chupe. Ha upéi ere pe ogajárape reho jeytaha hendápe ótro día. Resegíramo reñemongeta hendive, ikatuhína upe rire remoñepyrũ peteĩ estúdio vívliko.