Japredikákena “opaichagua héntepe”
1. Mbaʼépepa ojojogua peteĩ maranduhára ha peteĩ artesáno katupyry?
1 Peteĩ artesáno katupyry ningo oreko heta erramiénta, péro avei oikuaa porã moõ ha mbaʼéichapa oiporúta umíva. Upéicha avei, ñande jaguereko heta erramiénta ñanepytyvõva ñakumpli hag̃ua ñane rembiapo. Pór ehémplo, jaguereko hetaiterei folléto oñeʼẽva heta mbaʼére ñanepytyvõva ñamog̃uahẽ hag̃ua “opaichagua héntepe” pe marandu porã (1 Cor. 9:22, NM). Ko Marandu Porã ogueru peteĩ supleménto omombeʼúva mávape g̃uarãpa ojejapo umi folléto ha mbaʼéichapa ikatu ñaikuaveʼẽ ñande territóriope.
2. Mbaʼéicha javépa iporãvéta jaiporúramo umi folléto predikasiónpe?
2 Mbaʼéicha javépa jaiporukuaa umi folléto. Pe artesáno ikatupyrýva akóinte oiporu umi erramiénta oipytyvõvétava chupe. Upéicha avei, japredika jave jahechakuaárõ ñande rapichápe oipytyvõvetaha peteĩ folléto, ha upéva noñekuaveʼẽihína upe méspe, lomímonte ñameʼẽvaʼerã chupe. Pór ehémplo, ikatuhína peteĩ méspe oñekuaveʼẽ lívro Mbaʼépa omboʼe la Biblia? péro ñande jaikohápe avave ndojeroviái Jesucrístore ni la Bíbliare, upéicharõ iporãvéta ñaikuaveʼẽramo umi folléto oipytyvõtava umi héntepe, jagueraha mboyve chupekuéra pe lívro.
3. Mbaʼérepa jaiporukuaavaʼerã umi erramiénta jaguerekóva japredika hag̃ua?
3 La Bíbliape ningo oñemombaʼeterei umi ikatupyrývape hembiapópe (Pro. 22:29). Ha upe tembiapo iñimportantevevahína koʼag̃aite ñamog̃uahẽ pe “marandu porã” ñande rapichakuérape (Rom. 15:16, NM). Ha ikatu hag̃uáicha oiko ñandehegui peteĩ ‘mbaʼapohára hembiapo porãva oguerekoʼỹva otĩ hag̃ua’, tekotevẽ jaiporukuaa umi erramiénta jaguerekóva japredika hag̃ua (2 Tim. 2:15, BNP).