Oĩ porãpa ñane puvlikasionkuéra?

Tekotevẽ ñañeporandu upéva ñaikuaveʼẽ mboyve ñane puvlikasionkuéra predikasiónpe. Umi puvlikasión ojeguereko vaíva, ojeʼopáva, ikyʼáva térã osoropáva, ombyai reíta pe marandu porã jagueraháva ha oñeñeʼẽ vaíta Jehová organisasiónre.

Mbaʼépa ikatu jajapo akóinte oĩ porã hag̃ua ñane puvlikasionkuéra? Heta ermáno omohenda umi puvlikasión ija porã hag̃uáicha ikartérape. Pór ehémplo, omoĩ peteĩ hendápe umi lívro, ótro ládo umi rrevísta ha folléto, ambue hendápe umi tratádo ha péicha omohenda ohóvo. Oiporupa rire la Biblia ha umi puvlikasión, omohenda porã jey ikartérape ani hag̃ua oñembyai. Oĩ avei maranduhára oñongatúva peteĩ karpétape térã ojapoukáva peteĩ rrevísta ryru. Tahaʼe haʼéva umi mbaʼe jaiporúva ñañongatu hag̃ua ñane puvlikasión, iñimportánte ñaikuaveʼẽ umi oĩ porãvante ani hag̃ua oñeñeʼẽ vai ñane rembiapóre (2 Cor. 6:3).