Umi mbaʼe jaikuaaséva

◼ Mávapa ikatu ojerure puvlikasión térã ojevisita hag̃ua chupe peteĩ kupón ỹrõ Internet rupive?

Ñane puvlikasionkuérape oĩ jepi peteĩ kupón ikatu hag̃uáicha umi hénte ojerure puvlikasión térã ovisita hag̃ua chupe peteĩ testígo de Jehová. Avei ñande sítio de Internétpe (www.watchtower.org) ikatu ojejerure peteĩ estúdio vívliko. Péicha hetáma oĩ oikuaáva Ñandejára rembipota. Péro, umi maranduhára ojeruréramo iñamígo térã ihentekuéra rérape, ikatu ogueru heta provléma.

Pór ehémplo, oĩ heta hénte ipochýva oñemondo haguére chupekuéra sukursálgui umi puvlikasión ndojerureivaʼekue. Ha heʼi voi hikuái ñane organisasión omolestaha jepi chupekuéra ha ipochy oimoʼãgui idireksionkuéra ojeguerekoha peteĩ lísta de korréope. Avei oñemeʼẽ jepi umi maranduhárape oho hag̃ua ovisita koʼã héntepe, ha oñeñandu vaieterei umi ogajára heʼi rupi ndojeruréi hague ojevisita hag̃ua chupekuéra. Upéicha rupi ni peteĩ maranduhára nomyenyhẽivaʼerã ótro rérape umi kupón térã solisitu oĩva Internétpe; upéva ojapovaʼerã umi oikuaasevéva añoite mbaʼépa Ñandejára rembipota. Sukursálpe ojehechakuaáramo umi solisitu ojejapo hague ótro rérape, ojehejántema.

Upéicharõ, mbaʼépa ikatu rejapo reipytyvõséramo peteĩ ne héntepe térã ne konosídope oikuaa hag̃ua Ñandejára rembipota? Reipotáramo oñemog̃uahẽ chupe ñane puvlikasionkuéra, nde voi ikatu remondo chupe peteĩ jopóiramo. Ha oiméramo oikuaaseve mbaʼépa omboʼe Ñandejára Ñeʼẽ ha oipota ovisita chupe peteĩ testígo de Jehová, reñeʼẽvaʼerã umi ansiáno oĩvandi pe kongregasión oñatendévape upe território. Péro ndaikatúiramo rejapo upéva, remyenyhẽvaʼerã pe formulário Sírvase visitar (S-43) ha emeʼẽ ne kongregasionpegua sekretáriope, ikatu hag̃uáicha orrevisa ha omondo sukursálpe. Aníkena rehai sukursálpe peteĩ karseléro rérape, ni peteĩ oĩva centro de desintoxicación térã ospitálpe. Iporãvéta eréramo chupe oñeʼẽ hag̃ua umi ermáno ovisitávandi upe lugár térã toskrivi haʼete voi sukursálpe.