Mbaʼéichapa ojeporu pe formulário Sírvase visitar (S-43)
Ko formulário jaiporu jepi jajuhu jave peteĩ oikuaasevéva la Biblia heʼíva ha ndoikóiva ñande territóriope térã oñeʼẽva ótro idiómape. Yma ñamyenyhẽ ko formulário jatopa jave peteĩ oñeʼẽva ótro idióma, tahaʼe ohendu porãva pe marandu térã nahániri. Koʼág̃a guive katu jaiporúta ko formulário pe tapicha oikuaasevéramo añoite la Biblia omboʼéva. Péro jatóparamo peteĩ ohenduʼỹva térã sórdo, katuete ñamyenyhẽvaʼerã peteĩ formulário S-43.
Upéi ñamyenyhẽ rire pe formulário, ñameʼẽvaʼerã pe sekretáriope. Haʼe oikuaáramo mbaʼe kongregasiónpa ikatu oñatende hese, omondontemavaʼerã upepegua ansianokuérape. Péro ndoikuaáiramo mbaʼe kongregasiónpepa omondóta, oguerahaukavaʼerã sukursálpe.
Pe tapicha oñeʼẽramo ótro idióma ha oiko ñande territóriope, ikatu javisita chupe oho peve hendápe peteĩ maranduhára oĩva pe kongregasión oñeʼẽva iñidiómape (ikatu rehecha heʼíva Ñane Marandu Porã noviembre 2009, páhina 4).