Pyaʼékena javisita umi ostudiasévape la Biblia

Hetaiterei hénte ningo ojerure estúdio vívliko pe sítio jw.org rupive. Ha oñemoĩ rupi umi karríto térã mesíta ojepredika hag̃ua umi lugár hetahápe hénte, hetave oĩ ojeruréva estúdio vívliko ñande sítio rupive. Betélpe ningo pyaʼe oñeñatende koʼã solisitúre, ha dos día haguépe térã pyaʼeve ojeavisáma jepi umi ansiánope oĩha iterritóriope peteĩ ostudiaséva la Biblia. Péro sapyʼánte, hasypeterei peteĩ Testígo ovisita chupe. Ñanemanduʼa vaʼerã ñahaʼarõitereíramo, umi hénte ikatuha ndostudiasevéima, ¿mbaʼépa jajapokuaa pono oiko upéva? (Mar. 4:14, 15.)

Jatopáramo peteĩ persóna oaprendeséva la Bíbliagui, péro ndoikói ñande territóriope, pyaʼe ñamyenyhẽ vaʼerã pe formulário Sírvase visitar (S-43) ha ñameʼẽ peteĩ ansiánope. Umi ansiáno nohaʼarõi vaʼerã ohasa dos día ombohasa hag̃ua pe formulário pe kongregasión oñatendévape upe territóriore, térã omondo vaʼerã Betélpe oiporúvo pe sítio jw.org (oike vaʼerã heʼihápe Congregación). Umi ansiáno pyʼỹi orrevisa vaʼerã ñande sítio oĩva Internétpe, ikatu hag̃uáicha oikuaa ndaipóripa peteĩ ostudiaséva la Biblia iterritóriope, ha oĩramo, pyaʼe oñatende vaʼerã upe solisitúre. Pe puvlikadór ojeporavóva ovisita hag̃ua upe persónape, ensegída oho vaʼerã hendápe, ha ndotopáiramo hese hógape, oheja vaʼerã chupe peteĩ notaʼi omoĩhápe héra ha inúmero de teléfono.