Ñande sítio ofisiál oĩva Internétpe ideprovécho jastudia hag̃ua ñaneaño ha ñande rogayguándi

Elee umi rrevísta ipyahuvéva. Ko sítiope ikatúta elee ha ehendu umi rrevísta Ñemañaha ha ¡Despertad! heta semána og̃uahẽ mboyve ne kongregasiónpe. (Eike heʼihápe “Publicaciones/Revistas”, guaraníme katu “Puvlikasionkuéra/Rrevistakuéra”.)

Ehecha umi artíkulo osẽtava Internétpe añoite. Oĩta artíkulo osẽtava Internétpe añoite, umíva apytépe “El rincón del joven”, “Mis primeras lecciones de la Biblia”, “Actividades para la familia” ha “Los jóvenes preguntan”. Eiporu koʼã artíkulo restudia hag̃ua neañoháme térã nde rogayguándi. (Eike heʼihápe “Enseñanzas bíblicas/Niños” térã “Enseñanzas bíblicas/Jóvenes”.)

Reikuaa hag̃ua umi notísia ipyahuvéva. Tuicha nemokyreʼỹta umi infórme ha experiénsia oĩva ñande sítiope, ha revyʼáta rehechávo umi vidéo ohechaukáva mbaʼéichapa oñakãrapuʼã ohóvo Jehová organisasión ko yvy ape ári. Avei umi notísia omombeʼúva moõpa oiko yvyryrýi, ama guasu, sarambi ha umícha, térã mbaʼéichapa ojepersegi ñane ermanokuérape, ñanepytyvõta ñantende porãve hag̃ua ohasáva hikuái ha ñañemboʼe porãvéta hesekuéra (Sant. 5:16). (Eike heʼihápe “Noticias”.)

Eiporu pe Biblioteca en línea. Oiméramo ko Biblioteca oĩ ne idiómape, upépe ikatúta relee pe téxto káda diagua térã reheka informasión ne teléfono térã ne komputadóra rupive. (Eike heʼihápe “Publicaciones/Biblioteca en línea”, guaraníme katu “Puvlikasionkuéra/Oĩháme hetave informasión”, térã eike Internétpe ha ehai ko direksión www.wol.jw.org/es.)

[Nóta oĩva taʼanga ndive páhina 4]

(Emaña pe kuatiañeʼẽre rehecha hag̃ua osẽ hagueichaite ko párte)

Etanteamína

1 Ejapo clic pe taʼanga ári térã héra ári osẽ hag̃ua ndéve pe informasión rehechaséva. Eimprimi ha eiporu restudia hag̃ua ne familiakuérandi.

2 Rehecha hag̃ua umi vidéo ejapo clic pe trianguloʼi ári.