Ñande sítio ofisiál oĩva Internétpe ideprovécho japredika hag̃ua
Emokyreʼỹ nde rapichakuérape ohecha hag̃ua ko sítio. Ikatu oĩ noñemongetaséiva ñanendive térã ndohejaséi ñandehegui ñane puvlikasión. Péro ikatu ohechase pe sítio jw.org-pe umi informasión oñeʼẽva Testígore ija vove chupe, upévare opyta porã jave ñamokyreʼỹvaʼerã umi héntepe oike hag̃ua ko sítiope.
Eiporu embohovái hag̃ua oñeporandúva ndéve. Sapyʼánte predikasiónpe, rejapo jave rrevisíta térã ne konosído ikatu oporandu ndéve mbaʼérepa umi Testígo omboʼe peteĩ mbaʼe. Péicha jave ikatu upepete voi reiporu ikomputadóra, iteléfono térã ótro aparáto orekóva Internet rembohovái hag̃ua chupe pe oikuaaséva. Upéicharõ jepe, iporãvéta relee chupe Bibliaitégui voi umi téxto. Ha ndaikatúiramo upepete oike Internétpe, emombeʼu chupe mbaʼéichapa ikatu oiporu pe sítio jw.org oikuaa hag̃ua pe oporandúva ndéve. (Eike heʼihápe “Enseñanzas bíblicas/Preguntas sobre la Biblia” térã heʼihápe “Sobre nosotros/Preguntas frecuentes”, guaraníme katu “Ore informasión/Oñeporandu meméva”.)
Emondo ne konosídope peteĩ artíkulo térã peteĩ puvlikasión. Umi artíkulo térã puvlikasión remboguejyvaʼekue ko sítiogui, tahaʼe formáto EPUB térã PDF, ikatu remondo nde rapichápe korréo elektróniko rupive. Oñemboguejykuaa avei umi puvlikasión ikatúva ñahendu ojegrava hag̃ua peteĩ CD-pe. Ñamondóramo peteĩ ndojevautisáivape peteĩ puvlikasión kompletoite ñamboguejyvaʼekue ko sítiogui, tahaʼe lívro, rrevísta térã folléto ikatu ñaanota ñane infórmepe. (Eike heʼihápe “Publicaciones”, guaraníme katu “Puvlikasionkuéra”.)
Ehechauka umi notísia ipyahuvéva. Upéva oipytyvõta ne estudiánte ha nde rrevisitakuérape ohechakuaa hag̃ua mbaʼeichaitépa oñembaʼapo oparupiete Jehová organisasiónpe, ha omombaʼéta Ñandejára siervokuéra oiko porãmba haguére oñondive (Sal. 133:1). (Eike heʼihápe “Noticias”.)
[Nóta oĩva taʼanga ndive páhina 5]
(Emaña pe kuatiañeʼẽre rehecha hag̃ua osẽ hagueichaite ko párte)
Etanteamína
1 Eike heʼihápe “Publicaciones” (Puvlikasionkuéra), eiporavo peteĩ puvlikasión, ha emboguejyséramo elee térã ehendu hag̃ua, ejapo clic pe formáto reipotáva ári.
2 Ejapóvo clic heʼihápe “MP3”, osẽta peteĩ lísta ohechaukáva umi artíkulo orekóva pe puvlikasión. Emboguejy hag̃ua peteĩ, rejapovaʼerã clic pe título ári, térã rehenduséramo ejapo clic ko símbolope ▸.
3 Remboguejyséramo peteĩ puvlikasión oĩva ótro idiómape, ikatu reheka koʼápe.