Ñande sítio ofisiál oĩva Internétpe ideprovécho ñaipytyvõ hag̃ua peteĩ oñeʼẽvape ótro idióma

Ehechauka chupe pe sítio. Ehechauka chupe mbaʼéichapa ikatu oiporu pe párte heʼihápe “Idioma del sitio”, upépe oiporavokuaa pe idióma haʼe oñeʼẽvape. (Heta idióma ndorekopái umi párte oĩva ko sítiope.)

Ehechauka chupe pe sítio oĩva iñidiómape. Oĩ heta puvlikasión ikatúva ojelee ko sítiope, umíva apytépe pe lívro Mbaʼépa omboʼe la Biblia? térã pe tratádo Reñeporandúmavapa. Eavri peteĩ ha eiporavo pe idióma haʼe oñeʼẽva pe párte heʼihápe “Leer en” (guaraníme katu “Elee ko idiómape”).

Ehenduka chupe peteĩ artíkulo iñidiómape. Eheka peteĩ puvlikasión ikatúva oñehendu ha ehenduka chupe michĩmi. Oiméramo reaprende hína ótro idióma, tuicha nepytyvõta rehendúramo umi gravasión oĩva upe idiómape. (Eike heʼihápe “Publicaciones/Libros y folletos” térã “Publicaciones/Revistas”, guaraníme katu “Puvlikasionkuéra/Lívro ha folléto” térã “Puvlikasionkuéra/Rrevistakuéra”.)

Epredika umi nohendúivape. Retopáramo peteĩ ohenduʼỹvape ikatu rehechauka chupe umi vidéo oĩva lenguáhe de séñas haʼe ontendévape, ikatu peteĩ kapítulo la Bíbliagui, peteĩ lívro, folléto térã peteĩ tratádo. (Eike heʼihápe “Publicaciones/Lenguaje de señas”, guaraníme katu “Puvlikasionkuéra/Lenguaje de señas”.)

[Nóta oĩva taʼanga ndive páhina 6]

(Emaña pe kuatiañeʼẽre rehecha hag̃ua osẽ hagueichaite ko párte)

Etanteamína

1 Ejapo clic koʼápe ▸ rehendu hag̃ua peteĩ gravasión ne idiómape, oiméramo oĩ, térã remboguejyséramo eho heʼihápe “Opciones de descarga” (Mbaʼéichapa ikatu remboguejy).

2 Rehecha hag̃ua pe puvlikasión ótro idiómape, reikevaʼerã heʼihápe “Leer en” (Elee ko idiómape), ha eiporavo peteĩ idióma.

3 Eho heʼihápe “Índice” (Oĩva pype) ha ejapo clic heʼihápe “Siguiente” (Kóva rire) térã peteĩ título ári releeséramo ótro artíkulo térã kapítulo.